界日本料理 (Closed)

今日響大圍同朋友做完運動見肚餓，佢就介紹咗呢間日本餐廳我地食，可能時間尚早，舖頭無咩人，環境都舒適乾淨，午餐唔算貴，但見到D嘢食來果時就真心覺得好抵食，尤其是朋友食的原條鰻魚飯，同牛柳粒定食，份量多個樣又靚，味道重好好添，我自己就叫咗個壽司定食，都好正，每個定食都有一個好滑、好滑、好滑的蒸蛋「唔好意思，重要的事情要講三次」，個蒸蛋真係好滑而且都有一碗麵豉湯，平時其他的麵豉湯我飲一啖就會放低，呢度我飲曬…真心好味又抵食，不過忙住食，其他唔記得影相，只係影咗雜錦魚生飯同特上壽司定食咋，唔記得講添，呢度中午係免加一㗎，而且我見到佢門口有寫明係用愛知縣的香米，所以真係抵食