Cafe 360 (Closed)

之前試過兩個人去食，叫咗個鰻魚飯，都幾好食，所以今次都係兩個人呢就仍然繼續去返呢間cafe，點知比我想像中冇咁好個烤雞就咁食係無味既...烤雞配番茄醬都係第一次...配菜翠肉瓜反而比想像中好，大大舊又多汁，不過就稍微多左少少牛油..佢另外仲有一個細嘅沙律同埋竹炭包，個沙律啲蔬菜都唔新鮮嘅，而且個足壇包真係好似炭咁硬，你可以話係脆口嘅，但食落冇乜味，淨係烤硬左咁樣囉所以我哋一人試咗少少就已經冇食。個木魚吉列炸蝦蕃茄蛋飯就好彩有木魚調一調味，同埋果汁都有啲特別係唔錯嘅，如果就咁番茄蛋飯就真係冇乜特別，另外，個飯質地又唔係多汁但係又唔係炒飯一粒粒，有啲奇怪。🤨反而比較好味嘅，我同朋友都係一致贊成個蘑菇湯，唔會太杰都唔會太稀，而且仲有好重嘅蘑菇味最後個菠蘿鮮果茶剩係得茶味，完全冇其他鮮果同菠蘿嘅味道，非常普通服務都唔錯，個服務員見到我哋無刀都會自動自覺拎把刀俾我哋，叫佢攞紙巾攞碗都會都快嘅。總括來講，今次食嘅嘢比上一次差好遠，搞到影響埋我下次都唔係好想再嚟。