潮興魚蛋粉

Open Now

Now Closed

同班姊妹打完麻雀之後覺得肚餓，嗰晚戰況慘烈，幾經辛苦先回到本，即刻割禾青走人，即刻走去食碗麵。可能係個店有番咁上下歷史嘅關，係連個餐單都有少少黐立立。叫咗碗 "牛丸拼魚皮餃魚麵"，啲魚麵好淋又冇乜魚味，真係有少少睇下差人意，牛丸大大粒夠爽口，但係冇乜牛肉味，牛丸沒有牛肉味，呢個又係咩玩法呢 ; 魚皮餃就似番啲樣，又大粒又結實又香口，裏面嘅餡料肥肥哋好夠口味 ; 個湯就唔係好好好油好似好肥膩咁，我最唔滿意就係有幾條菜，我個人向來都唔係好鍾意食菜。唔啱我口味。