Video
Read full review
2021-09-05
945 views
好味指數😋😋回頭指數 ⭐️開心指數🤗🤗一大班人去朋友屋企gathering，朋友話下晝時咁啱見到呢個海鮮豬骨煲好似好正咁，就訂咗一個，可以按預訂時間送貨！🍴海鮮豬骨煲（$488）一打開，嘩！都幾大煲wor！先見到一條躺平嘅沙巴龍躉，有一隻蟹，有七隻鮮帶子，仲有蝦，都幾多料咁wor！開始翻動煲海鮮，入面有兩大舊豬桶骨、花蛤、粉腸、豬肚、雞腳、粟米，好似都幾足料！宣傳單上寫明「大帽山下的美食」，好熱切期待！先試下個湯底先！係胡椒豬肚湯，味道非常濃郁，好香嘅胡椒味但又唔會太嗆鼻！我飲咗勁多碗！大家都認為胡椒豬肚湯底係聰明嘅做法，因為可以蓋過魚腥味！我自己對於魚腥味的確唔太敏感，但有其中一個朋友比較敏感嘅係覺得有腥味！跟住試下D海鮮，基本上係幾失望嘅！條沙巴龍躉唔知係咪唔啱咁整，肉質有D嚡，確實有少少腥味！蟹係冇咩蟹味，亦都冇咩鮮甜味，仲要冇咩肉；帶子就比較細隻，肉質唔夠清爽，有少少韌；蝦都唔太新鮮，唔夠爽口彈牙；花蛤好細隻，冇咩肉食，都唔鮮甜！似乎所有海鮮都唔多掂！😔不過講到最最最差嘅，一定係雞腳！一定係要測試大家嘅牙力！每個朋友試咗基本上係冇人咬得開！仲要完全冇味！痴線！😩要讚嘅係粉腸同豬肚
回頭指數 ⭐️
開心指數🤗🤗
一大班人去朋友屋企gathering，朋友話下晝時咁啱見到呢個海鮮豬骨煲好似好正咁，就訂咗一個，可以按預訂時間送貨！
🍴海鮮豬骨煲（$488）
一打開，嘩！都幾大煲wor！先見到一條躺平嘅沙巴龍躉，有一隻蟹，有七隻鮮帶子，仲有蝦，都幾多料咁wor！
開始翻動煲海鮮，入面有兩大舊豬桶骨、花蛤、粉腸、豬肚、雞腳、粟米，好似都幾足料！宣傳單上寫明「大帽山下的美食」，好熱切期待！
海鮮豬骨煲
$488
65 views
0 likes
0 comments
先試下個湯底先！係胡椒豬肚湯，味道非常濃郁，好香嘅胡椒味但又唔會太嗆鼻！我飲咗勁多碗！大家都認為胡椒豬肚湯底係聰明嘅做法，因為可以蓋過魚腥味！我自己對於魚腥味的確唔太敏感，但有其中一個朋友比較敏感嘅係覺得有腥味！
跟住試下D海鮮，基本上係幾失望嘅！條沙巴龍躉唔知係咪唔啱咁整，肉質有D嚡，確實有少少腥味！蟹係冇咩蟹味，亦都冇咩鮮甜味，仲要冇咩肉；帶子就比較細隻，肉質唔夠清爽，有少少韌；蝦都唔太新鮮，唔夠爽口彈牙；花蛤好細隻，冇咩肉食，都唔鮮甜！似乎所有海鮮都唔多掂！😔
不過講到最最最差嘅，一定係雞腳！一定係要測試大家嘅牙力！每個朋友試咗基本上係冇人咬得開！仲要完全冇味！痴線！😩
要讚嘅係粉腸同豬肚，兩樣都好好味，吸收晒胡椒湯味，肉質爽口易咬開，亦都冇異味，處理得好好！😋
基本上成盤食物係配角好味過主角！我嘅好味指數同開心指數「只係」因為個胡椒豬肚湯底 + 粉腸！海鮮全線都唔掂！
Post
