Video
Read full review
2014-01-13
310 views
之前一直想響lunch食粥，但搵唔到好味又抵食既粥鋪 (軒尼詩道都有間忠記既，但有落味精的...食到一半真係食唔落...) 終於上年發現油站附近開左間新粥鋪，之後我幫襯過幾次 雖然只有大概8張枱，但lunch hour唔算逼又唔算貴又有電視睇，所以已經成為我lunch 飯堂~ 12點零去到，只有唔夠10個食客，咁我就私私然搵位坐~望一望餐牌，叫左個3號餐(皮蛋瘦肉粥配油炸鬼) P.S.大家千萬唔好同阿姐講"皮蛋瘦肉粥加多個油炸鬼"咁叫，阿姐會以為你散叫架 等左5分鐘左右就有得食，個皮蛋瘦肉粥都幾足料，雖然d皮蛋切開左，但我覺得應該差唔多有一隻皮蛋，而瘦肉雖然唔係手撕，但都好夠味，粥底d米係粒粒爆開的，食落無味精之餘，仲幾綿添 至於油炸鬼，本來我無乜期望，因為好多粥鋪既油炸鬼都會係淋的，但當我拎上手，就知新華既油炸鬼唔會淋，摵開仲好畢直添! 試咬一啖，雖然唔算得上好新鮮，但都算脆又唔un，我當合格架啦 食完之後，我拎住之前阿姐寫左價錢既紙仔去賣單，阿姐好有禮貌，就算收左錢都會笑住係咁同你講多謝! (今時今日好多食肆都係收左錢就算，唔黑住面收錢已經算好...)所以呢點幾抵讚，希望
終於上年發現油站附近開左間新粥鋪，之後我幫襯過幾次 雖然只有大概8張枱，但lunch hour唔算逼又唔算貴又有電視睇，所以已經成為我lunch 飯堂~
12點零去到，只有唔夠10個食客，咁我就私私然搵位坐~望一望餐牌，叫左個3號餐(皮蛋瘦肉粥配油炸鬼) P.S.大家千萬唔好同阿姐
講"皮蛋瘦肉粥加多個油炸鬼"咁叫，阿姐會以為你散叫架 等左5分鐘左右就有得食，個皮蛋瘦肉粥都幾足料，雖然d皮蛋切開左，但我覺得應該差唔多有一隻皮蛋，而瘦肉雖然唔係手撕，但都好夠味，粥底d米係粒粒爆開的，食落無味精之餘，仲幾綿添
至於油炸鬼，本來我無乜期望，因為好多粥鋪既油炸鬼都會係淋的，但當我拎上手，就知新華既油炸鬼唔會淋，摵開仲好畢直添! 試咬一啖，雖然唔算得上好新鮮，但都算脆又唔un，我當合格架啦
食完之後，我拎住之前阿姐寫左價錢既紙仔去賣單，阿姐好有禮貌，就算收左錢都會笑住係咁同你講多謝! (今時今日好多食肆都係收左錢就算，唔黑住面收錢已經算好...)所以呢點幾抵讚，希望d阿姐努力keep住!
Other Info. :
餐牌上雖然有煲仔飯，但要晏晝兩點半後供應 (阿叔話)，想食既話要留意了~
(The above review is the personal opinion of a user which does not represent OpenRice's point of view.)
Post
