Video
Read full review
2014-04-22
320 views
香港島行左大半日，攰到想死，最後落腳希慎廣場food court諗住醫下肚，結果大失所望。印尼炒飯是其中一種我最愛吃的東南亞食品，一般而言，我食過的多數都係有菠蘿肉，又或者有海鮮，甚至係有個批左芯的菠蘿用黎裝住啲飯。當我滿心期待好味又飽肚的一餐，我去攞飯時真係睇到我眼都突。呢個真係我個餐？個飯同我屋企個飯碗差唔多；餸呢？半隻蛋、半片青瓜及數量不少的泡菜。姑且不論我在攰死餓死的時候對食的渴求，但個飯未免太少了，我忍唔住放左隻手埋去，仲細個我手掌！一個成年男人點可能食咁少，睇到個飯，我只會覺得只能食到五成飽，連建議的七成飽也沒有。作為銅纙灣的地方，50元一餐可能係咁上下價錢，但係我深信呢個價錢係買到食得飽既餐，或者對呢間食肆來說，要食得飽真係會再貴啲，但我呢日真係務求想飽，你個餐再貴啲我最多咪唔食，選另一間。但俾一個咁既餵唔飽餐我，真係覺得cheating咁(張參考圖片影到好大的)。好，姑且當你賣咁貴，其實用料十足，滋味無窮，我正式開餐。食落之後，就發現左......以上材料一樣都無，味道又唔係特別正。為左證明個飯真係細，我影相時仲影埋隻手做比較。佢仲有一塊葉墊底，仲要大大塊。咁你係咪想話
印尼炒飯是其中一種我最愛吃的東南亞食品，一般而言，我食過的多數都係有菠蘿肉，又或者有海鮮，甚至係有個批左芯的菠蘿用黎裝住啲飯。
當我滿心期待好味又飽肚的一餐，我去攞飯時真係睇到我眼都突。呢個真係我個餐？個飯同我屋企個飯碗差唔多；餸呢？半隻蛋、半片青瓜及數量不少的泡菜。
姑且不論我在攰死餓死的時候對食的渴求，但個飯未免太少了，我忍唔住放左隻手埋去，仲細個我手掌！一個成年男人點可能食咁少，睇到個飯，我只會覺得只能食到五成飽，連建議的七成飽也沒有。作為銅纙灣的地方，50元一餐可能係咁上下價錢，但係我深信呢個價錢係買到食得飽既餐，或者對呢間食肆來說，要食得飽真係會再貴啲，但我呢日真係務求想飽，你個餐再貴啲我最多咪唔食，選另一間。但俾一個咁既餵唔飽餐我，真係覺得cheating咁(張參考圖片影到好大的)。
好，姑且當你賣咁貴，其實用料十足，滋味無窮，我正式開餐。食落之後，就發現左......以上材料一樣都無，味道又唔係特別正。
為左證明個飯真係細，我影相時仲影埋隻手做比較。佢仲有一塊葉墊底，仲要大大塊。咁你係咪想話其實塊葉應該當飯食，而印尼炒飯先係餸呀？唔會再幫襯。
Post
