鮮芋仙 (荃新天地)

Open Now

Now Closed

第一次食呢間台式嘅糖水舖，睇返餐牌我應該係嗌咗4號，即係有芋頭、紅豆、珍珠同埋涼粉。一碗嘅份量好大，當正餐食都得。佢嘅芋頭同埋紅豆都煮得好透好淋，但係都唔會話溶晒，仍然食到食材嘅質感。尤其是芋頭鬆鬆軟軟粉粉糯糯真係好好食。唔知係咪就返香港人嘅口味，涼粉本身嘅糖水好少，就算連埋啲紅豆食我都覺得唔夠甜。最後要叫店員俾多啲糖水我我建議大家冬天就食返熱嘅糖水，因為呢碗糖水咁大碗一定會越食越凍。下次想食熱嘅花生糖水，唔知同台灣既花生湯係咪一樣嘅呢？