Video
Read full review
2007-12-28
1506 views
係我哋公司既X'mas Party, 照舊係Lunch 搞, 照舊去噃世貿中心38樓既「香港世界貿易中心會」,我嚟做咗近四年, 公司就嚟足呢度搞X'mas Party 三年!!不過老老實實, 呢度啲嘢真係幾得架! 好食過好多四星級既酒店同酒樓架! 呢度係For member only 架!而且價錢絕對合埋, 呢度既意思係唔諗住點賺啲客錢, 因為已經收咗年費, 所以只係想提供一個舒適既地方比啲客喎~頭盆: 黑松露烤玉帶沙律呢個淨睇樣都知得啦!! 未食都可以比90 分啦! 其實唔係好食到黑松露味, 但係個帶子係半生熟架! 所以好鮮甜喎~ 正!紅燒花膠絲竹笙生翅食咗兩匙先記得映相, 超足料, 啲翅果然係牙籤咁粗, 同埋啲花膠又多, 又有我勁鍾意食既竹笙, Good!!清蒸海青斑啲肉蒸得啱啱好, 好滑, 啲汁又好味! X.O. 醬翠蝦球隻蝦都好大隻喎~~ 唔錯! 唔錯!!花菇扣鮑片當然係真鮑片啦! 唔係鮑魚菇嚟架! 好唔好食? 更好食啦! 脆皮豉油雞又係冇失水準之作, 啲皮好香好脆, 又唔太肥, 剛好分比我既係一件雞脾肉同半隻翼, 正!生炒糯米飯嘩! 呢個真係好味呀!! 雖然已經開始飽, 但好
照舊去噃世貿中心38樓既「香港世界貿易中心會」,
我嚟做咗近四年, 公司就嚟足呢度搞X'mas Party 三年!!不過老老實實, 呢度啲嘢真係幾得架! 好食過好多四星級既酒店同酒樓架! 呢度係For member only 架!
而且價錢絕對合埋, 呢度既意思係唔諗住點賺啲客錢,
因為已經收咗年費, 所以只係想提供一個舒適既地方比啲客喎~
頭盆: 黑松露烤玉帶沙律
呢個淨睇樣都知得啦!! 未食都可以比90 分啦!
其實唔係好食到黑松露味, 但係個帶子係半生熟架! 所以好鮮甜喎~ 正!
紅燒花膠絲竹笙生翅
食咗兩匙先記得映相, 超足料, 啲翅果然係牙籤咁粗,
同埋啲花膠又多, 又有我勁鍾意食既竹笙, Good!!
清蒸海青斑
啲肉蒸得啱啱好, 好滑, 啲汁又好味!
X.O. 醬翠蝦球
隻蝦都好大隻喎~~ 唔錯! 唔錯!!
花菇扣鮑片
當然係真鮑片啦! 唔係鮑魚菇嚟架! 好唔好食? 更好食啦!
脆皮豉油雞
又係冇失水準之作, 啲皮好香好脆, 又唔太肥,
剛好分比我既係一件雞脾肉同半隻翼, 正!
生炒糯米飯
嘩! 呢個真係好味呀!! 雖然已經開始飽, 但好食到一粒米都冇淨呀!
魚湯鮮肉餃米線
本來已經九成飽, 但係呢個鮮肉餃又係好味到丫... 外皮又簿又滑, 裡面啲肉足料夠味,
米線亦彈牙, 頂! 個湯仲要係魚湯, 搞到我忍唔住連湯都飲清啦!!
鮮時果拼盆
嘩! 好豐富喎~~ 乜都有啲喎~~
有西瓜、哈蜜瓜、蜜瓜、菠蘿、士多啤梨同奇異果,
不過已經飽晒, 所以只能食到西瓜、哈蜜瓜、蜜瓜、菠蘿同奇異果各一少件...
(後面個盒係老外老細抽中既室內無線電話, 佢就好啦~~~ 不過我個份都唔差! )
美點雙輝映
嘩~~~~~~~~ 個拼盆好靚呀!! 樣樣都好想食, 不過真係好飽喇.....
而且又要幫手映相, 所以最後只係食咗一件哈蜜瓜撻, 幾好味!!
最後埋單24個人,比埋tips都係$9,960,呢度真係得得哋架! 有興趣既朋友不防考慮下入會試下,特別係做生意既人,呢度用嚟招呼客人真係一流架!
Post
