Via Tokyo

Open Now

Now Closed

一行三人食飽pizza，就揾甜品食，上open rice一睇就見呢間專食抹茶雪糕嘅舖。問心，我唔太好抹茶色嘅所有野，但見咁多like又出名，就即管同朋友行去一試。先介紹朋友個白玉紅豆抹茶雪糕，其實係好味，又滑，但因為抹茶味太濃，整個食晒真係有苦澀味，就算加蜜糖都好似差d咁，所以朋友未能食得晒成杯雪糕。而另一杯三色雪糕窩夫，其實邊三隻味我地都估唔到，因為有兩隻綠，一隻白，所以果兩綠都唔知係咪同一味，好彩勝左有個窩夫沖和抹茶濃味，一啖白一啖綠咁去食，都ok！到自己果杯蕨餅抹茶牛奶雪糕，蕨餅煙煙un un，加上抹茶粉，口感唔錯，而且我果杯係綠白混合，所以減輕左抹茶味，相反牛奶味沖和左抹茶味，更帶出抹茶嘅香味，相比起只得抹茶雪糕，或者分開上，混合抹茶牛奶雪糕更勝一籌，加埋蜜糖味道更好，大力推！其實餐牌重有好多味都想試，如果下次又係好似今次咁好彩，一去到就有枱有位坐，我絕對會再去試多次！