頹飯 (Closed)

喺中環食飯，晏晝好多人。喺附近行過，見到呢一間叫頹飯嘅外賣專門店，個價錢好似好OK，個餐牌都唔算太頹，就決定食呢間啦。呢間頹飯午餐竟然有黑椒牛仔骨，其實都唔算太頹。落完單之後，都大約等左20分鐘，見到都係即刻落單即刻整，裏面得兩個廚師，好多人落單嘅話就會等好耐先至有得拎外賣。嗰個牛仔骨調味啱啱好，淨係食牛仔骨嘅話，就會咸左少少，配埋啲飯就啱啱好。個黑椒汁入面仲有青瓜同粟米，有少少蔬菜叫做比較均衡。因為我個人唔係好鍾意點汁， 所以冇將啲牛仔骨點落個汁度， 唔知個汁係咩效果。不過個牛仔骨嘅份量比較少，唔夠送飯。可能而家物價太貴啦，啲牛仔骨都可能好貴。 總括來講，我覺得呢間小店都幾有心思，真係即叫即整，唔係嗰啲一叮就食得嘅飯。同埋有啲蔬菜都幾健康。