Video
Read full review
2019-04-19
637 views
話說我男朋友好喜歡嚟呢間食刀削麵，對我嚟講其實我真係唔太願意入去。因為佢環境俾我感覺好污糟，重點係佢個menu一啲都都唔吸引，碗碗麵呃圖片麵八賴賴咁，好似白烚咁，見到都唔想食。但陪男朋友，點都要嗌碗試下了解下何以佢咁喜歡呢間嘢。我見佢額外加一粒嘅燕子餃要成5蚊咁巴閉，於是嗌左佢何50蚊雙拼：燕子餃拼雞扒。原來圖片只供參考，好彩唔係白賴賴咁嘅樣。佢何燕子餃係落左馬蹄嘅魚蛋咁，但口感係實啲。原本應該幾好食，但好似唔新鮮，多左陣怪味。男朋友就嗌左個雞扒刀削麵，佢話加埋個秘製辣醬，好惹味喎！然後令我有驚喜嘅係另外嗌嘅兩個小食，分別係蒜泥白肉同麻辣豬紅。白肉喎係真係淨係得蒜泥，而係加左佢地秘製辣椒醬，真係幾好食，又唔會太辣。但始終食咁多蒜頭會口臭，所以我都係食幾舊就算。😂我最最最最最最欣賞嘅係佢個豬紅，同樣唔會話好辣，但係十分入味，而且口感係實淨嘅，唔同其他地方係好軟，一挾就散。今時今日咁嘅豬血真係唔係度度有。我會為左個豬血再嚟🤤
但陪男朋友，點都要嗌碗試下了解下何以佢咁喜歡呢間嘢。
我見佢額外加一粒嘅燕子餃要成5蚊咁巴閉，於是嗌左佢何50蚊雙拼：燕子餃拼雞扒。
原來圖片只供參考，好彩唔係白賴賴咁嘅樣。佢何燕子餃係落左馬蹄嘅魚蛋咁，但口感係實啲。原本應該幾好食，但好似唔新鮮，多左陣怪味。
男朋友就嗌左個雞扒刀削麵，佢話加埋個秘製辣醬，好惹味喎！
然後令我有驚喜嘅係另外嗌嘅兩個小食，分別係蒜泥白肉同麻辣豬紅。
白肉喎係真係淨係得蒜泥，而係加左佢地秘製辣椒醬，真係幾好食，又唔會太辣。但始終食咁多蒜頭會口臭，所以我都係食幾舊就算。😂
我最最最最最最欣賞嘅係佢個豬紅，同樣唔會話好辣，但係十分入味，而且口感係實淨嘅，唔同其他地方係好軟，一挾就散。今時今日咁嘅豬血真係唔係度度有。我會為左個豬血再嚟🤤
Post
