城市匯 (Closed)

其實間餐廳嘅環境同埋服務態度都非常之好。可惜食物欠佳。首先餐牌來講用嘅食材都唔係比較便宜。 不過可能如果有心做嘅話有機會住得好嘅。只不過本身食材都唔係一啲高價嘅嘢，但價錢就有啲高啦。首先嗌左個檸檬汁蜆肉意大利飯。啲汁真係好多。成碟野好似粥仔咁。賣相差。不過飯嘅口感係OK嘅。但係可能落得太多檸檬汁啦。真係好酸。可能我唔識欣賞，但我唔鍾意。因為真係好似比檸檬汁蓋過所有野。我哋叫咗個乳豬。佢話份量係比兩個人食嘅。但係使到即使係兩個女仔，都會唔夠食。首先個豬仔想脆唔脆咁。冇肉。只得肥膏。伴碟嘅沙律唔新鮮。賣相差。又叫咗個大蝦Pesto意粉。覺得冇咩特別。賣相平平。其實自己屋企都做得到。可以話OK嘅，但完全唔值呢個價。最後叫咗個羊。分量都係好細。味道亦唔算特別。賣相已經係咁多隻之中最好嘅。都係果句啦，唔值呢個價。但係起碼食落口係幾好嘅。總括來講，價錢實在太高啦。食物嘅質素，味道，同賣相對唔住呢個價錢。基本上試一次就夠。