新泰東南亞餐廳

Open Now

Now Closed

公司年尾黎呢度聚餐。公司請食飯，一行十人，一早訂左枱，可能收工後先黎，唔洗等就可以直接入。咁我地就叫左好多野，待應都回覆左一次，之後亦都加左幾次單，不過有啲食物，我地加左2次單後都未黎，問佢地又話有落單，轉頭話廚房整緊（嗰陣比開始小人，吉枱比較多）到又食得7788，再叫多輪，同時又又再問佢地，佢地都係咁答，到差唔多食完，先送黎比我地，跟住話漏單呀嗰啲藉口，最後嗰2碟只係食左小小，覺得比較浪費囉。食物質素其實唔錯，幾好食。推薦蝦炒金邊粉，燒西冷牛扒，串燒等。最正係街邊豬肉串，我地叫完一碟又一碟👍👍👍另外有樣覺得比較奇怪，唔知係咪夜左啲，定佢地就收工。如我地叫個肉碎生菜包，跟黎既生菜得幾塊。我地覺得唔夠食想要多啲生菜，一碗生菜就十幾蚊。但係另一個併盤（包埋生菜包既）就跟多好多生菜（亦係遲黎既其中一款，食左唔夠半碟）個量同我地單叫生菜包同附加生菜差唔多。如果唔計以上問題，其實唔錯。不過可能人多，叫野多，預到既問題亦多。有感而發，少人啲既時候，可能會再去。