Boy n Burger (Closed)

餐廳舖位唔細，但座位唔多，大概只有24個。快餐模式，自己搵位、買餐、取餐、收盤、任斟汽水、取醬等。餐廳新推出-----雙層芝士漢堡 $58我見Openrice D相好靚架，但點解我果個又扁又醜😂 味道好普通，漢堡扒有牛味，不過好多軟骨同筋，對牙唔好嘅朋友嚟講，唔太友好…；底層麵包濕哂(睇相)、頂層麵包又唔脆，整體幾失望。餐廳另一款新推出-----辣脆雞堡 $55呢個雞扒比想像中辣，幾惹味，又夠脆，醬汁適中，食起上嚟唔會濕笠笠，我同朋友都覺得好過上面果款。套餐加$30薯條係有皮幼薯條，已經加左鹽，不過唔夠熱，凍左更會變韌。薯粒加大 +$5加大左嘅薯粒都幾少😅 同薯條一樣唔夠熱，不過凍左外層都依然硬脆。無論座位、食物味道、價錢，我都覺得性價比唔高，呢個價位嘅Burger店有唔少，而且食物一定比呢度熱🤔。