炊豕店 (威靈頓街) (Closed)

本身間野離我公司有少少遠，所以用OpenRice外賣自取，買完行過去攞唔使等，點知去到間店，叫到門口寫住外賣自取8折......但用app 冇，下次唔會再用OpenRice買。講返食物，賣相唔錯，外賣份量都好多，豬扒同飯係分開2層放，唔會令豬扒淋哂，好細心。秘制汁太鹹，入面有d類似五花腩，落少少送飯都ok。豬扒幾大塊，一個女仔未必食得哂，熱㷫㷫咁食好正，第一舊好好食，皮瘦肉嫩，但第2、3舊好肥，成舊肥豬肉痴住塊皮，所以唔想再食落去。