Video
Read full review
2015-12-16
1668 views
是咁的，我哋兩個人，佢叫我哋入去坐卡位。可能因為時間尚早，所以係鬆動嘅。我哋叫咗2個煲仔飯餐，一個係黃鱔，一個係扇貝。跟餐有油菜同埋老火湯。老火湯，ok嘅，幾好飲，街嘅standard，唔會旨意冇師傅，但係唔會太犀利。油菜，多油，但啲生菜好食嘅。好啦，煲仔飯，佢唔係用瓦煲，係用啲黑色果種唔知咩煲（見圖）。煲底係有啲飯焦，但係冇啡色嘅。食落去硬到一個點… 我朋友收尾直情胃痛，佢話因為啲飯焦太ung胃。焦香：0 硬到吞嚥困難：1。 黃鱔煲仔飯：好少黃鱔囉，我敢肯定去第二間人哋唔會咁吝嗇啲黃鱔。唔知係咪阿姐落唔夠豉油，唔係好夠味。不過啲豉油都過甜，唔好食嘅。木耳就好多，黃鱔？夾幾下無晒。成煲嘢唔係好食啦總之。帶子煲仔飯：帶子鮮甜好食。得三隻。下面啲粉絲係乾同埋硬嘅。erm好多飯，好少餸。老老實實，去長洲呀酒樓呀就咁蒸帶子都唔會咁少啦係咪呀。跟住開始嚟料啦。啲嘢食上枱咁耐，啲伙記問足我哋咁耐隻碗碟用完未，食完未。心諗，我啖湯係留低用嚟送口架喎阿叔，我比咗錢架喎，係咪我飲到一半要收起佢倒咗我碗湯呀？唔夠碗碟去附近舖頭買幾隻丫，有幾貴呀？？？食咁耐就俾佢啲伙記騷擾咁耐。不停要攞走碗碟。我都開始
我哋叫咗2個煲仔飯餐，一個係黃鱔，一個係扇貝。跟餐有油菜同埋老火湯。
老火湯，ok嘅，幾好飲，街嘅standard，唔會旨意冇師傅，但係唔會太犀利。
油菜，多油，但啲生菜好食嘅。
好啦，煲仔飯，佢唔係用瓦煲，係用啲黑色果種唔知咩煲（見圖）。煲底係有啲飯焦，但係冇啡色嘅。食落去硬到一個點… 我朋友收尾直情胃痛，佢話因為啲飯焦太ung胃。焦香：0 硬到吞嚥困難：1。
黃鱔煲仔飯、扇貝煲仔飯、油菜
$170
66 views
0 likes
0 comments
帶子煲仔飯：帶子鮮甜好食。得三隻。下面啲粉絲係乾同埋硬嘅。erm好多飯，好少餸。老老實實，去長洲呀酒樓呀就咁蒸帶子都唔會咁少啦係咪呀。
跟住開始嚟料啦。啲嘢食上枱咁耐，啲伙記問足我哋咁耐隻碗碟用完未，食完未。心諗，我啖湯係留低用嚟送口架喎阿叔，我比咗錢架喎，係咪我飲到一半要收起佢倒咗我碗湯呀？唔夠碗碟去附近舖頭買幾隻丫，有幾貴呀？？？
食咁耐就俾佢啲伙記騷擾咁耐。不停要攞走碗碟。我都開始燥底話未飲完未食完。
之後仲離譜，話出面有人等四人卡位喎，似係想逼我哋走。我咪同佢講，卡位坐4個人，我知，我唔介意兩個坐埋一邊，但係我哋未食完。我真係怒火中燒，我哋兩個唔係坐得耐，其他食客都係食差唔多時間。我哋冇意欲坐係度霸住你個位去到2046，但係我 哋 仲 食 緊，你 唔 可 以 趕 我 哋 走！ ：＠
離晒大譜！我咪同我朋友講，慢慢食。我未食完我唔會走。
埋單時佢俾咗兩張coupon話尖沙咀新店開張。我劈頭話，唔使架喇，你咁趕人走我係唔會再來嘅。
總結：喺度食，嘢食唔抵兼唔好食，三個字：貼錢買難受。
永遠冇下次，除非你有自虐傾向鍾意俾錢俾人趕走。
Other Info. :
低質素食物，差劣服務。同樣價錢喺第二度已經可以食得好開心。
(The above review is the personal opinion of a user which does not represent OpenRice's point of view.)
Post
