揚食屋

Open Now

Now Closed

今日經過士丹利街見到一間鋪頭門口放滿不同餐廳嘅餐牌，初時我以為係food court，後來先發現原來係一個鋪面裏面有三間唔同嘅餐廳。最後我揀左食蛋包飯午市套餐由58蚊起都算親民✨原條鰻魚蛋包飯🍛 $109包餐飲，我揀左南瓜湯（南瓜湯唔記得影相）南瓜湯好creamy ,飲落有少少芝士味都幾惹味。另外跟左個配菜—小松菜💀小松菜味道太咸，完全食唔落口。😤原條鰻魚就咁上，賣相直係好吸引🤤可惜鰻魚食落口有少少鬆散同腥，鰻魚汁亦唔夠濃香。而蛋皮亦唔夠滑嫩😞蛋皮下包裹着五目飯，即由茹、甘筍及鰹魚湯混合煮成嘅飯，但混合左咖喱汁，其實唔係好食得出五目飯嘅原有味道。咖喱汁帶有少少辛辣，都好易入口，味道不過不失。因為我一個人食飯所以要撘枱，用餐途中我要企起身讓人入座或離開，而食物又唔係我想像中咁美味😫所以呢次用餐對於我來講唔算好滿意。