花香 (Closed)

食中午lunch，有set A,B揀，第一次食，食過嘅同事千叮萬囑我唔好揀拌麵食，因為質感唔好，啲麵好淋，佢反而推薦我食魷魚米意粉。去前我都引以為戒的，但今次限set a，魷魚米意粉係另一個set所以試唔到。望住個餐單，其他款有唔食嘅野，另一款食嘅又唔多吸引（唔鐘意桃膠，魚子果啲）。咁見佢有鮑魚擔擔麵，比圖片上面兩隻鮑魚吸引左，結果食左佢。叫完發覺係擔擔拌麵。飲品（叫左柳橙紅茶（好似係呢個名））同個湯係唔錯嘅。但個拌麵真係……我覺得個擔擔麵醬汁唔夠味，係見到桃膠的（但我本身預期應該溶入去，唔會比我肉眼見到🤣）。然後個麵底似壽桃上海麵嘅質感，好淋，越食越一pat野，好濟，跟住淨左半碗……98蚊，我覺得貴係鮑魚到（最好食又夠味但唔抵），蛋，湯同飲品都ok，但配呢款麵真係好難食。