喜鍋 海鮮‧火鍋‧小廚 (Closed)

是日我同男朋友拍拖3週年，去打邊爐食餐好慶祝，openrice search呢間喜鍋大比數好評，一於就去try try。蟹籽墨魚油炸鬼一粒星都唔想俾ge系列，店員非常推介，所以叫碟泥食，伏到喊！油炸鬼係唔熱架，成舊野放入口好韌好難咬，如果唔點個配醬真係冇乜味！招牌花膠鯊魚骨膠原湯鍋裡面的確係有花膠同大量的鯊魚骨，但奇怪在個湯味道好淡，好似普通清湯咁，我同男朋友都覺得好失望！而且飲完仲好口渴，懷疑係米加左味精？！跟湯底送左個口香泡飯，即係炸飯粒，香口但食完好痴牙。蟶子皇真係好大隻蟶子，啖啖肉，夠鮮甜，對得起價錢。至於鮑魚就比較遜色，入口煙韌但就冇咩鮮味。脆鯇片還可以，但就唔夠爽脆，喜歡吃脆鯇片的人就會明白。黃沙大蜆蜆肉鮮甜，沒有吃到沙，洗得都乾淨。秘製芝士墨魚丸先講粒墨魚丸，真係冇咩味！裡面只係加了一粒芝士粒，初頭仲以為係流心果d，又一失望。皇帝菜以價錢泥講，份糧正常。總括來講，喜鍋ge海鮮食得出係新鮮，但其他食物真係卻之不恭了。