Video
Read full review
2010-08-13
20 views
今日7:00 左右黎到南翔,唔駛等位即刻有得入去, 人唔多, 好多位未坐滿!入到去坐低先知原來晚市要計茶芥, 每位$8. 有啲未見官先打三十大板既感覺! 我地總共4 個人, 如果大家揀同一款茶, 佢就會俾一壺我地, 如果唔係, 就會每人得一杯, 我地最終揀左要一壺玫瑰花茶! 味道唔錯 , 不過玫瑰花唔夠多, 唔夠香!佢地每張枱都有個服務鐘,我地諗住叫餸, 於是按鐘, 點知按左兩次都係無人黎~最後都係要揮手叫佢地先有人回應!佢地有啲2,3或4人套餐, 不過又唔係平得好多, 所以選擇散叫! 鎮江肴肉: 切得比較厚身, 所以比較有咬口, 好香肉味同 帶有小小甜, 唔錯!雞絲粉皮:分量好小, 無咩雞絲! 不過啲花生醬唔同平時出面食果啲, 呢款好夠香, 同埋醬 夠多可以沾滿所有粉皮! 蘿蔔絲酥餅: 外表唔似平時食開果啲, 佢表面有白同黑芝麻 , 不過食落又唔覺有好香既芝麻味! 唔覺油膩, 但係蘿蔔絲唔多, 略嫌蘿蔔味唔重!鮮肉小籠包 (4 隻): 4 隻之中, 有一隻個皮穿左 >< 算多肉汁, 肉嫩滑唔嚡!餃子 (3隻): 餃子煎得唔夠香脆,餃子皮亦唔夠麵粉香, 但個餡
入到去坐低先知原來晚市要計茶芥, 每位$8. 有啲未見官先打三十大板既感覺! 我地總共4 個人, 如果大家揀同一款茶, 佢就會俾一壺我地, 如果唔係, 就會每人得一杯, 我地最終揀左要一壺玫瑰花茶! 味道唔錯 , 不過玫瑰花唔夠多, 唔夠香!
佢地每張枱都有個服務鐘,我地諗住叫餸, 於是按鐘, 點知按左兩次都係無人黎~最後都係要揮手叫佢地先有人回應!
佢地有啲2,3或4人套餐, 不過又唔係平得好多, 所以選擇散叫!
鎮江肴肉: 切得比較厚身, 所以比較有咬口, 好香肉味同 帶有小小甜, 唔錯!
雞絲粉皮:分量好小, 無咩雞絲! 不過啲花生醬唔同平時出面食果啲, 呢款好夠香, 同埋醬 夠多可以沾滿所有粉皮!
蘿蔔絲酥餅: 外表唔似平時食開果啲, 佢表面有白同黑芝麻 , 不過食落又唔覺有好香既芝麻味! 唔覺油膩, 但係蘿蔔絲唔多, 略嫌蘿蔔味唔重!
鮮肉小籠包 (4 隻): 4 隻之中, 有一隻個皮穿左 >< 算多肉汁, 肉嫩滑唔嚡!
餃子 (3隻): 餃子煎得唔夠香脆,餃子皮亦唔夠麵粉香, 但個餡好味, 好多肉汁!
酸辣湯 (例): 無以前咁好味, 佢地一開業既時候, 個湯好多料, 而且係酸同辣得黎好醒胃! 今次個湯, 唔夠酸亦唔夠辣, 同埋黎到既時候已經唔夠熱, 開始變變地水!
松茸薺菜炒年糕: 年糕好入味, 食落小小煙韌, 又唔會好難o趙, 不過偏鹹! 同埋成碟得兩三片松茸!
獅子頭: 一鍋有兩大粒獅子頭同小小津白, 都係略為鹹! 但係個獅子頭唔會實的的, 好滑! 同埋我鐘意佢地唔係落左好多肥肉, 唔會食完成個咀都係油! 係鍋底既 津白好正, 因為索晒啲肉汁!
火腿津白: 無咩特別, 津白清甜! 但係佢地唔係用火腿汁去煮, 只係將啲火腿放上面.
豆沙鍋餅: 麻麻地, 好細件, 同埋豆沙無咩豆沙味, 餅皮又唔香!
高力豆沙: 不過不失, 豆沙味重啲會好味啲!
埋單連加一, 501蚊, 食物味道唔差, 但唔係好抵食~
Post
