Video
Read full review
2023-05-02
511 views
唔知啲食評係真定假但係肯定我講緊真話尋晚我就同朋友試咗間餐廳嘅外賣由攞咗外賣到食嘅時間只係隔咗10分鐘我諗都應該冇乜可能有太大變味至少都唔會變到離譜呢鑊真係中晒伏淨係講個南瓜湯同蘑菇湯個南瓜湯係冇事嘅但係個蘑菇湯就領晒嘢永遠都唔知道點解會飲到有中藥味可能呢間嘢主打fusion啦不過我就唔識欣賞啦咁但係我都想問一問個廚你係咪用冬菇嚟整蘑菇湯？因為無論口感同味道 我都覺得似係所以蘑菇湯係零分 南瓜湯係我個friend比嘅10分然之後到主菜分別就試咗三個餐第一個係蒲燒鰻魚意大利麵第二個係紅酒燴牛脷配意粉第三個係焗荷蘭盧魚柳配紫薯蓉我盡量用客觀去評論呢餐飯首先我知道可能小本經營，仲要開地舖已經好難捱，所以你用啲比較平嘅食材，我覺得唔應該怪你，但如果店主有心經營不妨試多啲供應商，因為你啲來貨真係好唔掂，呢樣嘢係由我第一啖食落去條鰻魚嗰刻知道，店主你有冇試過自己啲食材？之後下一樣就係個紅酒燴牛脷配意粉，個牛脷係OK嘅但係未叫好食，至少食得出來貨價貴過條鰻魚，但個意粉真係垃圾，都好似有啲侮辱垃圾，唔建議將啲未煮熟嘅意粉拎出嚟比人食，我食第一啖食到一半停咗落嚟，考慮緊係咪你啲fusion嘢，點解我咁肯
但係肯定我講緊真話
尋晚我就同朋友試咗間餐廳嘅外賣
由攞咗外賣到食嘅時間只係隔咗10分鐘
我諗都應該冇乜可能有太大變味
至少都唔會變到離譜
呢鑊真係中晒伏
淨係講個南瓜湯同蘑菇湯
個南瓜湯係冇事嘅
但係個蘑菇湯就領晒嘢
永遠都唔知道點解會飲到有中藥味
可能呢間嘢主打fusion啦
不過我就唔識欣賞啦
咁但係我都想問一問個廚
你係咪用冬菇嚟整蘑菇湯？
因為無論口感同味道 我都覺得似係
所以蘑菇湯係零分 南瓜湯係我個friend比嘅10分
然之後到主菜
分別就試咗三個餐
第一個係蒲燒鰻魚意大利麵
第二個係紅酒燴牛脷配意粉
第三個係焗荷蘭盧魚柳配紫薯蓉
我盡量用客觀去評論呢餐飯
首先我知道可能小本經營，仲要開地舖已經好難捱，所以你用啲比較平嘅食材，我覺得唔應該怪你，但如果店主有心經營不妨試多啲供應商，因為你啲來貨真係好唔掂，呢樣嘢係由我第一啖食落去條鰻魚嗰刻知道，店主你有冇試過自己啲食材？
之後下一樣就係個紅酒燴牛脷配意粉，個牛脷係OK嘅但係未叫好食，至少食得出來貨價貴過條鰻魚，但個意粉真係垃圾，都好似有啲侮辱垃圾，唔建議將啲未煮熟嘅意粉拎出嚟比人食，我食第一啖食到一半停咗落嚟，考慮緊係咪你啲fusion嘢，點解我咁肯定未煮熟，因為我咬落去條意粉好有咬口但係冇味，亦都好肯定你兩個餐係分開煮呢個位我覺得加分嘅，因為鰻魚個餐啲意粉係OK嘅，起碼都叫有啲味同熟，總括成個餐最好食係條菜，不如試吓轉型搞素食主義。
最後到個焗荷蘭盧魚柳配紫薯蓉，我淨係憑呢一度菜，可以建議煮嗰個以後冇咩事唔好走入廚房，去到呢度已經冇乜心機評價，因為呢度我個friend食咗第二啖就冇再食落去，都係嗰句成道菜最好食剩係得條菜，條魚我俾唔到評價，同埋唔建議用咁多小聰明，我諗咗好耐點解個紫薯溶會係酸嘅，初頭我以為你係醃咗但係應該都冇乜可能，不過唔知我呢個推測有冇錯，你為咗掩蓋條魚柳嘅腥味，你選擇咗檸檬，但係檸檬嘅酸味已經嚴重出賣咗你，條魚柳覆蓋嘅範圍以下嘅薯蓉全部都係酸嘅。
你知道嗎
我好耐冇寫過呢啲長文 但係我覺得你唔可以遺禍人間 同埋咁樣開餐廳遲早總有我呢種人俾個咁嘅評價你，我亦都唔介意做第一個，希望店主你會睇晒呢篇嘢
我用咗二百幾蚊去食呢三樣嘢
完全係中晒服 今次就怪我唔醒目
不過我都唔希望其他人有第一次
Post