Video
Read full review
2006-08-29
98 views
因為媽咪生日，所以諗住食日本菜（佢至愛），原本諗住去第二間，點知冇做生意，行行下見到呢間有位，咪入去囉。一打開餐牌，睇到啲價錢，媽咪嫌貴（一個蟹子沙律都要$50），但我覺得牛一大日子，冇所謂啦。種類唔係多，起碼冇海老天婦羅。剌身拼盤可以任拼，要幾多件都得，佢地照重量計，當然每種剌身嘅價錢都唔同啦。但係媽咪覺得啲三文魚有啲腥。牡丹蝦（$65一隻）就幾好。仲有佢地啲wasabi係新鮮磨，所以特別香同攻鼻。咁仲有要左兩隻燒大蝦，一客鵝肝，炒雜菜，燒牛舌，京都燒銀鱈魚。啲蝦就老火左，有啲硬。牛舌就大碟得滯，食唔晒，但幾好味。媽咪最欣賞就係鵝肝（$160四件）：「入口即溶，甘香可口，齒頰留香，令人回味。」但係我就覺得：「好滯，一入口成口油，頂唔順。」整體算唔錯，服務幾好，環境幾乾淨，又夠靜（星期日八點幾都得一兩枱客），仲唔收加一。
一打開餐牌，睇到啲價錢，媽咪嫌貴（一個蟹子沙律都要$50），但我覺得牛一大日子，冇所謂啦。
種類唔係多，起碼冇海老天婦羅。剌身拼盤可以任拼，要幾多件都得，佢地照重量計，當然每種剌身嘅價錢都唔同啦。但係媽咪覺得啲三文魚有啲腥。牡丹蝦（$65一隻）就幾好。仲有佢地啲wasabi係新鮮磨，所以特別香同攻鼻。
咁仲有要左兩隻燒大蝦，一客鵝肝，炒雜菜，燒牛舌，京都燒銀鱈魚。啲蝦就老火左，有啲硬。牛舌就大碟得滯，食唔晒，但幾好味。媽咪最欣賞就係鵝肝（$160四件）：「入口即溶，甘香可口，齒頰留香，令人回味。」但係我就覺得：「好滯，一入口成口油，頂唔順。」
整體算唔錯，服務幾好，環境幾乾淨，又夠靜（星期日八點幾都得一兩枱客），仲唔收加一。
Post