嚐點 (Closed)

之前買左團購coupon, 驚遲d食會好多人食, 所以今日放工特登走去食七點去到, 都仲有三四張枱剩~ 雖然鋪頭唔大, 但坐得都算舒服, 唔會話好迫, 起身行個時唔會撞到隔離枱~ 但二人枱張枱太細la, 好勉強先放到三籠點心, 焗住要一次過清左一籠先可以食下一籠, 不過問題不大既, 因為佢地上菜好慢, 你食完一籠都未上到下一籠…點心都係大路既款式, 我地要左叉燒包, 蝦餃, 燒賣, 馬拉糕, 糯米雞同棉花雞叉燒包: 唔錯, 叉燒好惹味, 唔會太多肥肉蝦餃: 皮有d厚, 蝦幾大隻但唔算新鮮燒賣: 賣相唔靚, 而且豬肉唔太新鮮, 有d黑黑地…馬拉糕: 好大個! 但唔係古法個隻~ 都算香甜糯米雞: 又係好大隻而且足料~味道一般同好油!棉花雞: 我淨係食左舊雞! 雞好嫩滑, 呢個最好食!總括黎講, 食物真係好普通無驚喜~ 而且所有點心都有個共同點 ----好多油!!! 服務一般, 員工比人感覺好怠慢, 個個都無咩笑容, 好既地方係佢地會keep住斟水講真無coupon真係未必黎食, 好在唔駛加一我諗佢平時可能無咩人食, 所以不斷響幾個團購網都賣coupon! 建議大家早少少黎, 因為到時可