Video
Read full review
2008-06-09
12 views
創發之後, 繼續試試九龍城其他潮州菜館, 今日一行 5 人就0黎到南記. 一直知道呢度都幾出名, 但可能食過創發有比較, 食完有少少失望0既感覺:- 潮州鹹雞 (半隻): 客家鹹雞食得多, 凍食的潮州鹹雞真係第一次食... 隻雞都幾肥0下, 層皮厚厚的, 亦真係幾鹹0下; 肉質幾0鞋又少少硬, 不過雞味幾濃, 幾好食.- 鹵水鵝片 (豆腐墊底): 鹵水汁味道好淡, 帶酸味, 唔 ok; 鵝片肉一般腍, 幾0鞋口, 愈食愈無心機; 豆腐幾入味, 不過因為 d 鹵水汁實在唔好食, 整體印象係幾差的. 好在有碟泰式辣汁 (而唔係白醋) 蘸0下!- 大眼雞豆腐蕃茄湯: 好住家 style, d 湯落了大量薑絲, 飲落只有蕃茄的甜及魚鮮味, 唔錯; 另外絕對要食埋 d 大眼雞湯渣, 幾鮮甜的.- 潮州炒魚麵: 有好杰的芡汁, 魚麵一般彈牙, 味道係淡出個鳥來. 都係行落兩條街間「陳興發」d 魚麵最好食!- 蠔仔餅: 賣相成個 pizza 咁, 份量好巨! 條邊煎得好脆, 中間就幾嫩滑, 亦幾足料, 唔會落得過多蛋 / 薯粉, 唔錯, 不過就油得厲害, 而且就咁食好淡口, 一定要
- 潮州鹹雞 (半隻): 客家鹹雞食得多, 凍食的潮州鹹雞真係第一次食... 隻雞都幾肥0下, 層皮厚厚的, 亦真係幾鹹0下; 肉質幾0鞋又少少硬, 不過雞味幾濃, 幾好食.
- 鹵水鵝片 (豆腐墊底): 鹵水汁味道好淡, 帶酸味, 唔 ok; 鵝片肉一般腍, 幾0鞋口, 愈食愈無心機; 豆腐幾入味, 不過因為 d 鹵水汁實在唔好食, 整體印象係幾差的. 好在有碟泰式辣汁 (而唔係白醋) 蘸0下!
- 大眼雞豆腐蕃茄湯: 好住家 style, d 湯落了大量薑絲, 飲落只有蕃茄的甜及魚鮮味, 唔錯; 另外絕對要食埋 d 大眼雞湯渣, 幾鮮甜的.
- 潮州炒魚麵: 有好杰的芡汁, 魚麵一般彈牙, 味道係淡出個鳥來. 都係行落兩條街間「陳興發」d 魚麵最好食!
- 蠔仔餅: 賣相成個 pizza 咁, 份量好巨! 條邊煎得好脆, 中間就幾嫩滑, 亦幾足料, 唔會落得過多蛋 / 薯粉, 唔錯, 不過就油得厲害, 而且就咁食好淡口, 一定要蘸鹹鹹香香的魚露.
- 蒜蓉炒莧菜: 老闆見我0係到影相, 忍唔住笑笑口話「炒菜都影!?!?」 賣相又真係無乜值得影, 仲炒得好油0下, 不過炒得夠腍, 0岩晒席上的老人家
- 仲有送的紅豆沙: 好住家 feel, 一般「沙」不過煲得好腍, 幾香陳皮味又唔會過甜, 意料之外地好食.
環境地 mou, 衛生情況一般, 不過九龍城 10 間有 9 間潮州店都係咁0架啦, 是但啦; 一眾老侍應好似好「潮州怒漢」feel, 但其實好好禮貌好好人的, 多謝前多謝後, 感覺不錯.
埋單約 $80 一個頭, 唔貴, 食物一般, 試過就算, 不過笑面照俾啦, 起碼好過又貴又唔多好食的「樂口福」!
唔怪得創發長期咁好生意!
Post
