Ebeneezer's Kebabs & Pizzeria (D’Deck)

Open Now

Now Closed

假期入咗去愉景灣行下,其實冇咩野行,但勝在感覺舒服.不過入面哟餐廳間間都幾貴下,但又唔想去返大型連鎖餐廳食野,好彩比我地搵到Ebeneezer's Kebabs & Pizzeria.平時喺市區多數都係拎走,就算有得堂食間舖都只會勁細間,而愉景灣店就大好多,又有餐牌可以拎住慢慢睇Ebeneezer's 啲野都幾大份,所以其實唔洗叫太多都得,最後叫咗一個kebab同一個薯條share食我地要咗羊肉kebab,都好足料,好大舊,味道都唔錯,如果羊味再濃少少會重好薯條本身冇芝士,問下個老細佢話可以加埋比我地,好似重冇加到我地錢添份量同樣好足,好鐘意薯條上面嘅醬汁,綠色醬好好味,可能因為有埋燒雞肉,所以好飽肚不過野食雖然好味,但想坐耐少少好似都唔得咁...當時冇乜人,大部分座位都冇人,當我地食到差唔多,傾下計嘅時候就開始有人問我地啲野食係咪唔要(重有少少係碟)算啦...由佢收走...再傾多陣嘅時候又過黎問洗唔洗埋單....算囉...埋單走囉...係個咁寫意嘅環境...加上冇人等位嘅情況下...係咪真係要食得咁趕呢....