吾子廚房 (Closed)

嗌咗個糖漬香橙冰紅茶，牛乳富士山布甸同士多啤梨伯爵茶果醬配牛乳滑蛋多士個糖漬香橙冰紅茶第一啖飲落去得紅茶味，諗住要攪下啦。點知第二啖淨係多咗啲糖味，有啲橙粒，但完全冇味。$48 個士多啤梨伯爵茶果醬配牛乳滑蛋多士，其實就係一塊白麵包上面一塊蛋同一啲果醬。啲果醬係佢哋自家製嘅，但食上去就冇乜特別。仲要話係士多啤梨伯爵茶果醬，但係淨係食到士多啤梨味。$88就唔係太抵。最後個牛乳富士山布甸，幾好食，個牛乳味好出，但就幾啖食完，$48。有興趣試佢哋個果醬，或者想打下卡都可以黎嘅，但想食嘢為主就唔建議，而且人均消費要$80。