福珍寶茶餐廳 (Closed)

其實附近有3間都有炭爐煲仔飯，我都唔知點解會入咗呢間，可能經過見多人以為會穩陣好耐冇出街食煲仔飯，70蚊，我覺得唔平唔貴啦，話哂老闆真係要企定定睇火。有跟例湯及飲品。例湯好清淡等咗廿幾三十分鐘，終於煲好。薑汁黃鱔加潤腸，料好足，飯面蓋滿黃鱔。主角黃鱔賣相唔靚，食落仲有腥味，可能唔夠新鮮，要落重豉油同胡椒粉先得，扣哂分。配角潤腸就好香口食到一大半，開始返個底，金黃色的飯焦又脆又香口整體黎講唔係個黃鱔有腥味，其實呢個飯都唔錯。如果再食煲仔飯，我應該就唔會試呢間了。