Video
Read full review
2017-10-31
63 views
約左朋友去呢間輝哥私房菜，叫得私房菜，無論喺菜式同品質上都會有啲要求，今次不負所望，成功令我對火鍋店有新嘅認知。好多時出去打邊爐，落完單，啲配料都含含聲咁上架啦，務求放滿成張枱，大家一窩蜂落哂啲野去滾啊滾，而且好快會有飽肚感，掛住食亦都唔得閒傾計。呢間火鍋店好為客人健康著想，慢慢上菜慢慢食，亦都想你同同行嘅人可以傾多啲計，唔好掛住食，佢地採用【法國料理】嘅上菜方式，每次只會上一兩款配料，而下一次會想隔十至十五分鐘，8點半落單，每隔一陣，店員又會同你講，有啲咩配料沽清，一邊食野一邊灰心同想走人嘅感覺都係第一次遇到。部分食材沽清/唔新鮮，直到9點3先至知道哂有邊幾款冇，唔知係咩玩法，未試過食火鍋食唔飽有6款配料因為兩種原因而冇出現過：一係就話沽清（我寧願佢吹水話自己咁好生意，全部沽清好過），一係就話【唔新鮮唔俾你】，聞所未聞嘅講法，我以為我叫左啲咩深海龍蝦、加拿大蜆(？)如果有咁多配料唔新鮮，真係唔應該營業。呀Q啲咁諗，真係多謝佢咁為我著想，驚我食左啲唔新鮮嘅野落肚，好貼心。沽清：鮮蝦雲吞、鳳城水餃、冬瓜片唔新鮮啊出俾我嘅有：潮州白魚蛋、手打鮮蝦丸、瑤柱貝飽滑有一刻我以為自己食緊任食火鍋，
呢間火鍋店好為客人健康著想，慢慢上菜慢慢食，亦都想你同同行嘅人可以傾多啲計，唔好掛住食，佢地採用【法國料理】嘅上菜方式，每次只會上一兩款配料，而下一次會想隔十至十五分鐘，8點半落單，每隔一陣，店員又會同你講，有啲咩配料沽清，一邊食野一邊灰心同想走人嘅感覺都係第一次遇到。部分食材沽清/唔新鮮，直到9點3先至知道哂有邊幾款冇，唔知係咩玩法，未試過食火鍋食唔飽
有6款配料因為兩種原因而冇出現過：一係就話沽清（我寧願佢吹水話自己咁好生意，全部沽清好過），一係就話【唔新鮮唔俾你】，聞所未聞嘅講法，我以為我叫左啲咩深海龍蝦、加拿大蜆(？)如果有咁多配料唔新鮮，真係唔應該營業。呀Q啲咁諗，真係多謝佢咁為我著想，驚我食左啲唔新鮮嘅野落肚，好貼心。
沽清：鮮蝦雲吞、鳳城水餃、冬瓜片
唔新鮮啊出俾我嘅有：潮州白魚蛋、手打鮮蝦丸、瑤柱貝飽滑
有一刻我以為自己食緊任食火鍋，呢啲唔係任食火鍋先遇到嘅對待嗎？
呢個時候，我悟出一個道理：原來錢真係唔係萬能，家下有錢都可以冇配料，親。
大家想食之前，考慮清楚啊，以免到時乜都冇，我就真係未試過打邊爐，要望住個湯底等運到嘅。
不過如果你覺得人一世物一世，乜都要試下，咁咪當個新奇有趣嘅經驗，事後又有多個話題同朋友分享。
胡椒豬肚花甲湯底：胡椒味有，但太淡，飲左半碗仔心諗，無誠意
流心咸蛋豬肉丸：睇左飲食男女條片以為好流心，仲小心小心咁食，痴線，咸蛋手指尾甲咁大粒，死實實，何來流心。
手打芝士墨魚丸：彈牙，至少有樣野好食。（不過得好少芝士）
珊瑚蚌：好似被水洗左七七四十九夜，勁淡。
炸響鈴：講就講到好正，咪又係呢啲，一般呢個價錢嘅火鍋店都係即炸啦。
炸魚皮：普通料。
唐生菜、皇帝菜：好貼心，可能驚客人唔夠飽，我覺得兩籃菜真係份量幾多，而且真係新鮮啊。
白柏葉：本來就話沽清，打左個白鴿轉番黎，又話有番，開心死啦，食火鍋食到好似坐過山車咁嘅心情。
出前一丁：哇大佬，幾驚佢同我講話，個一丁唔新鮮。好在夠新鮮咋，食番兩個麵頂肚。
醬油、茶錢：廿蚊位，menu冇寫的。（落左大半碟紅青椒，完全唔辣）
人均三百以上，食啲咁嘅質素，其實尖沙咀好多選擇，環境又好啲，招呼又好啲。除左靠名氣，獎狀，仲可以點樣生存？生意興隆啊親。
Post
