Time Park Lounge

Open Now

Now Closed

唔明佢啲好評係點嚟嘅！食完依家真係好嬲，兼且唔會再回頭，仲會同其他朋友講唔好去，因為侍應服務態度超級差，佢倒瀉咗我杯酒，只係擺低咗幾張紙巾，就離開，完全冇諗過抹下張枱。第二就係嘢食超級貴，叫咗個豬扒，侍應同我哋講話因為佢哋有嘅份量係10安士，但餐牌係8安士，叫我哋加$40 ，咁咪加啦，但係上到碟原來都係好細件，仲冇乜配料，完全唔好食。至於叫咗個大蝦意粉我覺得都幾好食嘅，不過要$300一碟嘅意粉點會唔好食呀。最後仲嗌左一碟青菜意大利飯，同薩莉亞冇乜分別。總結係唔會再去，亦都希望大家唔好去，我啲收藏咗依間舖頭嘅人，我可以話俾你聽，你去完一定會後悔。