Video
Read full review
2022-08-12
165 views
網上睇到好多人講呢間餃子店好好食，勁人氣，亦都好多人講一定返轉頭再食，就梗係要試吓啦！雖然落好大雨，去到時見到10幾人排隊嘅狀況，我叫外賣，職員話15分鐘左右有，最後大概25分鐘先攞到。今次叫咗雙併湯餃（$46），試咗共4款餃子，再試晒兩款湯，外賣有跟醋同菜脯。見到有comment 話餃子好大隻，我覺得係幾飽滿嘅，但size 嚟講算正常，未至於有荃灣餃子屋咁大隻咁重手咁勁足料。🍴京蔥羊肉餃呢個係4款餃子入面最好食嘅，味道比較突出，羊羶味孜然味啱啱好，非常惹味濃郁，不過攪笑嘅係，雙併supposed to be 係有5隻，但最好味呢個就得4隻！🍴香芹芫荽豬肉餃呢個係第二好味，香芹芫荽令餃子比較香口同埋有口感，豬肉味相對唔算好夠味。🍴椰菜冬菇雲耳豬肉餃食得出雲耳味同口感，冬菇味冇咩，食咗呢個就知道豬肉味唔夠，因為呢款比起香芹芫荽淡味，但如果呢款都食唔到豬肉味，可能係調味不足，整體上呢款係正常！🍴洋蔥薯仔牛肉餃呢個係4款入面最差嘅，有少少莫名其妙，完全食唔出牛肉味，洋蔥味都欠奉，只係食到薯仔味！🍴湯底 - 番茄薯仔湯及雞湯試晒兩款湯底，好多人話佢嘅番茄薯仔湯好正，係要成碗飲晒！我一試，完全唔
雖然落好大雨，去到時見到10幾人排隊嘅狀況，我叫外賣，職員話15分鐘左右有，最後大概25分鐘先攞到。
今次叫咗雙併湯餃（$46），試咗共4款餃子，再試晒兩款湯，外賣有跟醋同菜脯。見到有comment 話餃子好大隻，我覺得係幾飽滿嘅，但size 嚟講算正常，未至於有荃灣餃子屋咁大隻咁重手咁勁足料。
🍴京蔥羊肉餃
呢個係4款餃子入面最好食嘅，味道比較突出，羊羶味孜然味啱啱好，非常惹味濃郁，不過攪笑嘅係，雙併supposed to be 係有5隻，但最好味呢個就得4隻！
🍴香芹芫荽豬肉餃
呢個係第二好味，香芹芫荽令餃子比較香口同埋有口感，豬肉味相對唔算好夠味。
🍴椰菜冬菇雲耳豬肉餃
食得出雲耳味同口感，冬菇味冇咩，食咗呢個就知道豬肉味唔夠，因為呢款比起香芹芫荽淡味，但如果呢款都食唔到豬肉味，可能係調味不足，整體上呢款係正常！
🍴洋蔥薯仔牛肉餃
呢個係4款入面最差嘅，有少少莫名其妙，完全食唔出牛肉味，洋蔥味都欠奉，只係食到薯仔味！
🍴湯底 - 番茄薯仔湯及雞湯
試晒兩款湯底，好多人話佢嘅番茄薯仔湯好正，係要成碗飲晒！我一試，完全唔覺佢係番茄薯仔湯，冇番茄味冇薯仔味，只係似有顏色嘅水，飲咗兩啖完全可以放棄！雞湯亦都冇咩雞湯味，我唔知道係因為佢專登做到好淡唔想蓋過餃子味，定係今次失準？我相信如果係盲測，飲完都應該估唔到係咩！
菜脯係好味嘅！
試完之後，唔太理解到點解會有人講呢間餃子係世一，亦都唔明點解咁多人排隊，整體上只係屬於正常，冇咩突出，亦未算難入口，基本上唔會回頭再食！
Post
