甜記餃子

Open Now

Now Closed

好難食，未試過咁難食嘅餃子唔明點解咁多人會排隊？皮好厚. 厚過恐龍皮韭菜有異味好明顯唔新鮮. 芝士同肉味完全吾夾蕃茄湯底好似水溝咁樣完全冇味喺超級市場買嘅餃子都好食過佢

完全唔明點解咁多人排隊。叫份煎餃，每隻都係爛嘅 係每一隻！ 真係無野好講。皮乾到爆。。。。無汁水 。。無乜味。 。。真係唔知點解多人食。。。第一粒已經知出事 唔會再幫襯。

外賣過兩次 真係每次都係食一半就掉了 因為個雲吞皮好似返煲多次咁淋 完全冇雲吞皮嘅爽滑質感 餡料太實 味道好奇怪 真係唔會有第三次😵‍💫真係唔明白點解會有人去排隊食 我身邊都有好多朋友光顧過這間甜記餃子店 他們都話唔好食 我發現食物要求高的人是不會覺得甜記餃子店好味深水埗好多餃子店俾它好食多了

完全諗唔明點解 會有咁多人排隊湯餃 個湯完全唔掂 唔係老火湯黎你當佢雞精+水 係1個好淡既味精湯湯餃未去到好難食 但唔係好食 一般超市質素煎餃 炸到勁乾 粟米芝士餃 煎餃黎講應該係最唔會伏既野但佢個芝士同個粟米 又乾又硬食過最難食既粟米芝士餃其他你地當超市質素醉雞係比雞髀位 但完全係冇酒味簡單講 酒還酒雞還雞…………

都是老顧客，但今天真失望。依排日日都凍，親早點食埋個晚餐回家。點了芫荽同豆角湯餃，食完加多碗麵。依到真係要讚吓甜記。(想健康點食湯餃，但男仔又怕唔夠飽，可以加多碗麵才$16,兩隻味也不用加錢，真的良心)。出都個D好，一係十隻餃，一係5隻餃湯麵。我食依兩款都硬係差一點點，兩頭唔到岸感。今日湯餃一食落去，唔夠熱透。湯也唔夠熱，我淋會唔會出唔一切凍咗，但淋淋吓應該唔係。出唔切湯凍，餃心應該仲熱。但我個碗係餃唔夠熱透，湯也唔夠熱。好明顯有問題，不過算啦，應該無問題既，怕就怕煮唔夠肚屙姐。主角泥啦，食完餃之前，加多碗麵。都唔係第一次，應該唔會有問題。泥到第一二三口都食到有硬物，似魷魚干既感覺。我吐出泥睇吓發生咩事，可能係D麵干咗掛。但第一次係依間店發生，以前都無感既情況。我就夾係張纸巾上，示意服務員有事，過泥一下。短髮戴眼鏡阿姐姐剛好有野做緊，我話你做埋野先過泥。我比佢睇麵心白色個面。我話：頭先D餃子已經熱唔透，依D麵中間白色硬硬地。佢話：我地整定，係感個wow。不話佢都係有攞番入去換個新既。出到泥有熱咗有進步，但每幾少口還是會有硬麵既情況。食多幾口都飽，放低便埋單走人。圖片已經係第二碗麵既情況

終於試到收藏咗好耐嘅「甜記餃子」同四個friend下午茶時間去唔使等位朋友話湯麵唔好食，所以叫咗雙拼湯餃8隻 ($44)▶️ 檸檬葉杏鮑菇雞第一次見嘅口味一食已經食得出香檸檬葉香，非常有泰式冬陰功風味😮雞肉比豬肉軟腍，味道上冇分別個人覺得幾特別，但係都有少少唔慣🙈▶️ 椰菜冬菇雲耳豬比較傳統嘅口味，但做得出色入面超多餡料，椰菜雲耳好脆口調味都啱啱好🥟整體餃子大粒😋外皮質感OK，唔會易散湯底揀咗雞湯，另外可揀薯仔蕃茄湯湯底比較普通，係幾清淡值得欣賞係佢個自家製辣菜脯❤️‍🔥又惹味又爽脆，我同朋友都狂落狂食😂-餃子口味選擇多，大粒足料環境還可以，係坐得迫少少不過服務有待改善🙂性價比OK，唔收服務費，平均$50/人

餃子控又發作，收工突然好想食甜記餃子，因為好耐冇食，就算有啲攰都照排隊去食。真係次次都排長龍 ，等咗大約半個鐘，終於入座嚕 。🌟甜記嘅辣菜脯真係咁多間餃子舖入面我食過最出色，非常辣但又好過癮 。🔺韭黃雞肉餃（湯）呢款我排第1 ！好香韭黃味，口齒留香，有種「鮮」嘅味道，之後嚟食都必點！再配搭蕃茄湯底，有種好warm嘅感覺，湯底冇之前咁濃，但都有蕃茄嘅酸酸甜甜，仍然好飲！🔺南瓜忌廉雞肉餃（湯）每次嚟都必點，南瓜蓉甜甜地，食落好creamy！呢個配搭好match，好鍾意濃滑香綿嘅口感，同之前一樣都係咁好食，仲可以大大啖食，真係好滿足！🔺韭菜豬肉餃（湯）正常發揮，好多韭菜，肉相對少 ，不過我鍾意多韭菜，而餃子size岩岩好，唔會好細 。🔺京蔥羊肉+粟米芝士煎餃每次嚟都冇食煎餃，諗住試下，點知啲皮好硬又乾，好難咬開同唔酥脆，京蔥羊肉嘅餡係好食嘅，好香洋蔥味，不過冇咁juicy；粟米芝士就麻麻地，芝士硬硬地，冇芝士溶嘅口感 ，同粟米都幾夾，都係咁硬😂

今日經過旺角，到咗食飯時間，唔知食乜嘢好，見到呢間餃子店好多人排隊，價錢又唔貴，所以就入去試吓餐牌上面好多餃子嘅款式選擇，玩咗好耐，叫咗個西洋菜餃子面，餃子很飽滿，個面個份量有足夠，好多時去食餃子，食完好似冇食過咁，呢間就唔會會有呢個感覺下次做嘢出嚟旺角，如果有知道食乜嘢，應該都會繼續嚟呢個交接繼續試吓其他唔同味道嘅餃子唔知你哋又鍾意邊啲類型嘅餃子呢？食完呢一次之後，好期待再試吓其他舖頭嘅餃子係唔係一樣都可以咁出色

見就見過, 亦見過好多人排隊, 都出於好奇, 今晚睇下有無位, 不如試下, QR code落單, 款式唔係真係好多款😅只不覺有湯餃🥟亦有🥟煎餃, 變左好似好多款😄, 見到小食有醉雞🐔都想試下, 叫左香芹☘️芫茜豬肉🥟餃配🍅蕃茄薯仔🥔湯要左台灣麵🍜, 等左一陣, 醉雞先來🐔🐔, 好貼心另外比多個碗, 夾一件食下, 有d驚喜, 好重酒味😍d雞都入晒酒味, 食落幾滑😛👍, 而且件數也不少😁, 再之後送來湯麵🍜, 查實好坦白講😅賣相好一般, 飲啖蕃茄🍅薯仔🥔湯, 係有蕃茄🍅味, 但又唔係真係講到非常好飲😂, 再食台灣麵, 夾起有d係一舊, 未完全散開🤔, 其實係d湯都唔係十分夠熱😆, 再食舊餃🥟, 芹菜味道好濃, 完全搶左芫茜的味道, 但好好食, 我個人又覺得唔算係🙄不過餃算比得多, 麵份量也確實唔少😋但要去到排隊食, 我個人認為吸引度未去到🤣叫做終於試左🤪不過有機會都會試埋其他款😄

好耐冇去食過甜記餃子，見佢有出新味檸檬草杏鮑菇雞肉餃子，湯餃一上枱，已經見到餃子皮好硬，食左一啖發現係生雞肉，職員表示換過另一碗，對唔住同唔好意思都冇句，好失望唔會再食。

日日經過見到排長龍，前幾日特登走去試吓，我同朋友都係叫左水餃，我嗰碗係韭菜豬肉。完全冇味，勁淡，諗住加啲辣椒醬或者辣椒油之類嘅嘢做調味，點知隔離員工食飯枱兩位員工話無辣椒醬嗰啲嘢，只有菜脯可以調味，但我落咗菜脯都係冇咩味，我朋友嗰碗食咗兩三隻已經話食唔落，我心諗有冇咁誇張，試吓佢嗰隻餃子，wa..都幾難食，唔記得咗佢叫邊款水餃，但係入面有粟米同雲耳。超級市場買嗰啲急凍水餃自己煮好食過佢多多聲未食過佢嘅煎餃，不過都唔會再去。

今次呢個食評唔關嘢食事 純粹係想講你哋有個戴眼鏡嘅女店員 唔講我以為全世界得罪咗佢 我撳咗張飛 朋友未到 同佢講唔好意思 佢黑口黑面 超級冇禮貌既然你哋咁鍾意趕客 咁我都無謂食 出邊大把選擇！唔需要你哋對客人有賓至如歸嘅感覺 但起碼都俾返少少基本嘅禮貌

甜記係我最中一間最鐘意嘅餃子每1,2星期黎一次，等位係值得嘅之前食煎餃又香又juicy 裝修完個場靚左，但啲餃而家又乾又硬，有油益味，仲送毛仲有杯洛神花茶。。。。假到以後都唔黎了

甜記向來以大隻飽滿餃子見稱🥟無論什麼時段，各間分店都座無虛席👯‍♂️而店家亦未有固步自封，一直推陳出新😎時不時會推出新口味，以新鮮感滿足一眾餃子控的胃口🤩———————————————————————光看名字難免令人想像是一些獵奇口味😅誰不知入口味道比想像中和諧😳杏鮑菇質感爽脆🍄配合嫩滑雞肉🐔整體口感豐富😋檸檬葉味道清新🪴為餃子增添了一份泰式感覺🇹🇭舒服得來又不會過分搶味，頗有驚喜🥳西洋菜份量十足，相對之下豬肉比例略嫌偏少🤏🏻令餃子欠缺肉香🙃西洋菜味偏淡，其獨有香氣未夠突出🤨同時菜本身亦較為老，而且有渣，影響了整體口感🥲芝士雖然味道偏淡🧀但與雞肉混合後令餡料變得十分creamy🙂粟米味道反而非常突出🌽相當爽甜，令每一口都充滿粟米的香味😋洋蔥🧅牛肉🐮一向是最佳拍擋，成為餡料後令餃子香氣十足☺️而且肉汁豐富，配搭煎餃脆卜卜的外皮🔥非常香口惹味😙———————————————————————除了餃子出色，甜記的番茄薯仔湯底清甜鮮味🍅亦同樣深得一眾食客喜愛，喜歡住家味道的絕對不容錯過🏠

甜記餃子有幾間分店～之前已經食過長沙灣嗰間今日就過嚟試吓旺角呢間啦🙊叫咗🩵香葉豆角豬肉餃+檸檬葉杏鮑菇雞餃 蕃茄湯餃🩵粟米芝士豬肉餃+南瓜忌廉雞餃 煎餃🩵雞湯台灣麵呢度雙拼唔使額外加錢👍🏻每份我哋都叫咗10隻首先一嚟到嘅就係個雞湯台灣麵🙊本身係驚唔夠食，所以先至加所以冇諗住去咁快到～雞湯台灣麵個湯超淡味 再加埋冇咩味精，所以真係好清淡要加啲菜圃落去食，加咗就會惹味好多☺️之後就係到個湯餃嚟到啦☺️蕃茄湯超級好飲第一個夾到嘅餃子係檸檬葉杏鮑菇雞餃🍄‍🟫一咬落去好特別超級香 我覺得直頭呢一個餡無論係煎餃同埋湯餃都應該會好出色 第二個地方真係食唔到😚第二嚿餃子就係香葉豆角豬肉餃～呢個餃子好搞笑🤣食落去就有陣泰式味出咗嚟，係東南亞風味🤣🤣等咗大約10分鐘個煎餃就嚟到啦😆粟米芝士雞肉餃就一如以往嘅好食一咬落去就爆汁💦豬肉味再加埋芝士汁真係一絕，再加埋粟米嘅粒粒口感 就係冇得頂🌈南瓜忌廉雞就非常極之普通🤨喂我自己食唔出南瓜味，但係同行嘅人本身唔鍾意食南瓜喺度反而食得出本身配雞湯嘅時候個麵淡茂茂冇咩味，但係配返餃子個蕃茄薯仔湯就超級好食😗個麵都變咗做彈牙 唔知係咩原理呢🤣🤣🤣