Video
Read full review
2015-05-12
1613 views
同媽媽有事要去APM買野，由於佢偏好清淡，所以就揀左灑家。聽講話米芝蓮一星？由於我遲左放工，媽媽先去攞位，個小姐都好好人咁同佢講可以入左去坐先，如果唔係一陣多人得剩等唔到位。咁我地就坐左四人枱既一邊，都OK ge，到個時媽媽話個侍應好好，一直有斟茶比佢。我地由於肚餓，兩個女人叫左個二人套餐，超多野食！我自己要左個豬潤麵，唔記得影相，不過豬潤幾滑，同埋清淡，唔錯媽媽叫左艇仔粥，都幾足料，同埋好大碗吓，呢個係我用細碗仔影既，兩個人share嚟食完全無問題！有包一個小菜，叫左琵琶豆腐，個茨汁濃左小小，無飯就咁食就感覺鹹左D，配菜西蘭花就無咩特別媽媽皮膚唔好個日無食蝦，所以叫左個叉燒腸，分量細細地，同埋唔係好夠熱，腸粉皮無話特別薄或者厚，不過都還可以煎蘿蔔糕，出面酒樓好食D...都係唔夠熱，唔係好夠蘿蔔味，不過都食到既... 最後上湯生菜....一睇就知唔靚！都算啦，一夾起勁多黑色一點點完全唔知係咩唔敢食，本來想換，冧冧下反正食唔哂就算啦.......但係真係嚇都嚇死總而言之，一餐飯食左$290（媽媽等我個時自己再叫左個點心），雖然食到好飽，而且其中一個短髮侍應小姐好好招呼，但係質素真係唔值$
由於我遲左放工，媽媽先去攞位，個小姐都好好人咁同佢講可以入左去坐先，如果唔係一陣多人得剩等唔到位。咁我地就坐左四人枱既一邊，都OK ge，到個時媽媽話個侍應好好，一直有斟茶比佢。
我地由於肚餓，兩個女人叫左個二人套餐，超多野食！
我自己要左個豬潤麵，唔記得影相，不過豬潤幾滑，同埋清淡，唔錯
媽媽叫左艇仔粥，都幾足料，同埋好大碗吓，呢個係我用細碗仔影既，兩個人share嚟食完全無問題！
有包一個小菜，叫左琵琶豆腐，個茨汁濃左小小，無飯就咁食就感覺鹹左D，配菜西蘭花就無咩特別
媽媽皮膚唔好個日無食蝦，所以叫左個叉燒腸，分量細細地，同埋唔係好夠熱，腸粉皮無話特別薄或者厚，不過都還可以
煎蘿蔔糕，出面酒樓好食D...都係唔夠熱，唔係好夠蘿蔔味，不過都食到既...
最後上湯生菜....一睇就知唔靚！都算啦，一夾起勁多黑色一點點完全唔知係咩唔敢食，本來想換，冧冧下反正食唔哂就算啦.......但係真係嚇都嚇死
總而言之，一餐飯食左$290（媽媽等我個時自己再叫左個點心），雖然食到好飽，而且其中一個短髮侍應小姐好好招呼，但係質素真係唔值$290，坐又唔係坐得特別舒服，下次都係試第二間啦
Other Info. :
其實服務真係唔差，可惜食咁多樣野只比合格好少少...真在比唔落笑臉啦
(The above review is the personal opinion of a user which does not represent OpenRice's point of view.)
Post
