Brother’s Food (Closed)

朋友話有間新開嘅食burger就一齊去試下~去到見到啲menu都覺得幾創新嘅，中日韓泰風味齊哂，咩叻沙配乜乜、泡菜配乜乜之類，雖然幾新奇，但都唔敢試，都係食返經典嘅芝士牛肉漢堡，另加$15配薯條野飲。本身打開都幾期待，但食落就有啲失望。因為塊包冇烘過，一啲都唔熱同唔脆，另外牛肉同芝士都室溫狀態，食落口冇乜感覺，普普通通咁。最慘嘅係，竟然畀我見到條頭髮攝咗喺入面。。。最基本嘅衛生都做唔到！！！Burger都算，薯條先大鑊！完全係餅乾咁款，又硬又乾，完全係啃唔落口。。。泰式奶茶總算最正常，但淨係前面兩樣嘢，都令我決定唔會再食第2次。。。