旺囍車仔麵 (Closed)

平時我都唔會寫評價，但今日真係好難以致信，難食到難以致信，蘿蔔浸過糖水、豬紅一夾就散、最平11蚊個餸、另叫魚蛋11蚊5粒、油麵個湯似係出前一丁味，米粉似福米，完全唔明點解會咁多好評，唯一可讚地方係個辣醬，不過都要加好多羹先夠辣。店員係咁係門口用廣東話同普通話叫咖哩魚蛋同車仔麵，但我地食既時候係冇乜人，可能佢目標係自由行，可以話完全唔岩我地口味。我地一共食左85蚊，雖然咁既價錢唔係好貴，但平過呢間，好食過呢間大有店在。完全唔明openrice宜家點解成日咁多地雷，明明好多好評，但可以難食到癲。