Video
Read full review
2017-09-15
681 views
久仰聰嫂大名已經好耐啦-由當年甜品發展到今日估係唔到既素食。記得當年，去銅鑼灣食聰嫂甜品，之後一班同學仔唔識路….但行行下巧遇「聰哥」本人、友善親切咁帶我地去鋪頭。今日終於有機會到聰嫂原素一試，雖然距離開業已經有一段時間，但心情依然期待~尤其當自然身為素食者既時侯。天氣炎熱、大家都想食得清清地。見到英式早餐一項就心生暗喜、覺得一定係食硬佢。點知原來只供應到下午5:30….相當失望。既然呢個早餐供應到咁晏、何不全日供應索性改名做all day breakfast呢?宜家11:30-5:30pm供應,時候可謂「到喉唔到肺」。所以唯有簡晚餐食，無套餐、只可以加錢配飯或者散叫。晚餐餐牌七道菜入面着左四道同粉絲有關，粉絲幾時變左素食者的心頭好？我又好想試番茄、又好想試素爆醬丸。最後都屈服在素爆醬丸之下。上菜了，津白粉絲素爆醬丸煲望落真係好清同好住家菜。味道自由唔做作，份量仲真係好似有呀媽煮既咁大碟。雖然賣相唔多出眾，但湯底真係幾清甜。而且津白入味之餘仍保持爽口既口感，粉絲反而真係做左配角。而最特別莫過於個爆醬丸，我喺出面從來未食過。個皮象真似貢丸唔在講，入面個醬有幾分台灣肉燥、非常滋味。我朋友傻
久仰聰嫂大名已經好耐啦-由當年甜品發展到今日估係唔到既素食。
記得當年，去銅鑼灣食聰嫂甜品，之後一班同學仔唔識路….
但行行下巧遇「聰哥」本人、友善親切咁帶我地去鋪頭。
今日終於有機會到聰嫂原素一試，雖然距離開業已經有一段時間，但心情依然期待~尤其當自然身為素食者既時侯。
天氣炎熱、大家都想食得清清地。見到英式早餐一項就心生暗喜、覺得一定係食硬佢。點知原來只供應到下午5:30….相當失望。既然呢個早餐供應到咁晏、何不全日供應索性改名做all day breakfast呢?宜家11:30-5:30pm供應,時候可謂「到喉唔到肺」。
所以唯有簡晚餐食，無套餐、只可以加錢配飯或者散叫。晚餐餐牌七道菜入面着左四道同粉絲有關，粉絲幾時變左素食者的心頭好？我又好想試番茄、又好想試素爆醬丸。最後都屈服在素爆醬丸之下。
上菜了，津白粉絲素爆醬丸煲望落真係好清同好住家菜。味道自由唔做作，份量仲真係好似有呀媽煮既咁大碟。雖然賣相唔多出眾，但湯底真係幾清甜。而且津白入味之餘仍保持爽口既口感，粉絲反而真係做左配角。而最特別莫過於個爆醬丸，我喺出面從來未食過。個皮象真似貢丸唔在講，入面個醬有幾分台灣肉燥、非常滋味。
我朋友傻得真可愛，佢mix up左「羅漢齋」同「齋滷味」，佢以為所謂羅漢齋炒麵係用酸齋炒麵、因為佢屋企都會咁整喎。或者聰嫂都可以參考下我朋友意見整返味齋滷味炒麵既。之後上菜既羅漢齋炒麵同樣大大碟，好彩無再叫多一樣野，如果唔係一定食唔曬。看似平平無奇，但暗藏心思。在底的河粉相當彈牙，無俾稍濃既汁影響到，而且河粉事先係有炒香到所以香而不油。
另外配材料亦都無令我失望，如果無最心愛既粟米仔又點可以叫羅漢齋炒麵呢？坊間好多羅漢齋炒麵都偷工減料、既無粟米仔又無雲耳、有時只有草菇三四片加幾條菜，所以聰嫂算好足料啦。
下次我都想試試d 新式野，同埋個杏汁湯聽落都幾唔錯!See u next time~!
Post
