冰室小菜館 (彌敦道) (Closed)

外面係茶餐廳既格局，但原來入面晚市係有小菜食又有海鮮，2個人叫左4個餸，都係每人$120，有湯有飯。一坐低就有碗菜乾湯，幾濃味又夠味，應該冇味精，因為飲完唔會口渴。白灼蝦$58，都有成半斤，d蝦夠大隻又新鮮，蝦頭膏好甘香，豉油有放辣椒，幾有誠意，好抵食沙巴龍躉，$98，好普通既魚，不過不失，今晚蒸過左龍，但個豉油幾鮮既。咕嚕肉，$58，肉多過d椒，d肉炸漿唔厚，幾鬆脆，入面肉都好林，甜酸醬較得幾適中，可以試下。豉椒炒蜆，今晚做特價$28，足半斤超抵食，個醬似沙嗲醬多d，但撈飯都幾好食。$28真係抵到爛，枱枱都叫。d侍應又勤力又有禮貌，晚市爆滿哂都好爽手。見好多枱都係一條友自己去食小菜。除左d枱迫少少，整體質素唔錯，會再同朋友去。