Video
Read full review
2014-05-29
5638 views
3男1女組合的晚餐吹水飯局，食左四千幾蚊，都唔叫少錢卦？但真係唔會再俾佢賺，唔係難食，只係唔值。地點方便，格局就好一般。刺身新鮮，分量亦足，不過完全食唔到刺身的鮮甜。新鮮但唔味美，唯一解釋係食材唔夠靚。尤其係海膽，係好大舊，但完全無味。凍食毛蟹都係另一個失望位，唔平的價位，唔少的分量，但同樣係鮮味欠奉，4個人8隻手，但無人想食完第一件再拆蟹，可知吸引力如何。串燒就不過不失，但係⋯都唔覺好味，無影相。全晚最深刻係服務，坐海景格仔房，叫人唔易，人黎到仲叫你下次按鐘叫人，咪按左囉，你地無人理喎。而似係專責照顧我地的阿姐，不論聲線、聲量、服務質素都勁似茶餐廳阿姐，催我地快啲食魚生，原因係話啲冰溶左佢好難拎隻碟，點解唔可以話魚生放耐左無咁好味？（好味就一早清左啦）好唔以客為先囉，三五知己食飯係想傾下偈，唔係要趕住食去幫你解決執枱問題，這是服務業的常識吧？
地點方便，格局就好一般。
刺身新鮮，分量亦足，不過完全食唔到刺身的鮮甜。新鮮但唔味美，唯一解釋係食材唔夠靚。尤其係海膽，係好大舊，但完全無味。
凍食毛蟹都係另一個失望位，唔平的價位，唔少的分量，但同樣係鮮味欠奉，4個人8隻手，但無人想食完第一件再拆蟹，可知吸引力如何。
串燒就不過不失，但係⋯都唔覺好味，無影相。
全晚最深刻係服務，坐海景格仔房，叫人唔易，人黎到仲叫你下次按鐘叫人，咪按左囉，你地無人理喎。而似係專責照顧我地的阿姐，不論聲線、聲量、服務質素都勁似茶餐廳阿姐，催我地快啲食魚生，原因係話啲冰溶左佢好難拎隻碟，點解唔可以話魚生放耐左無咁好味？（好味就一早清左啦）好唔以客為先囉，三五知己食飯係想傾下偈，唔係要趕住食去幫你解決執枱問題，這是服務業的常識吧？
Post
