Video
Read full review
2020-11-06
86 views
一個星期五嘅下午兩點多，一位話等一陣，ok有一個人走，佢都唔叫我入去。又等。第二個人出嚟之後冇耐，個服務員見到我,又叫我等等好快有。等多幾分鐘，唔係路喎，咁佢哋原本坐嗰個位我咪可以坐囉。最後我諗企咗十幾二十分鐘，我忍唔住問：“兩個人都出咗嚟，未有位？”阿服務員先如夢初醒話“哎，請你入嚟啦”入面坐到密密麻麻，係咪犯法？我覺得好唔安全。但都因為係特登用40分鐘去嘅地方所以搏一搏。。。。希望冇事。。。。服務員放咗埋即棄餐具俾我。其實餐具係會影響食味同感覺嘅。不過都好過嗰啲有漂白水味嘅筷子。所以算啦，當佢因為衛生先咁做。因為下午茶時間我可以選擇四粒生煎包或者係午餐。好彩我揀咗個豬扒菜飯午餐。豬扒有啲似叉燒嘅感覺唔算差。菜飯就好適合老人家同bb仔食。菜都有菜味嘅。另外生煎包煎得好好皮都好靚。有熱湯喺入面。嚿肉就林，唔乾，所以肉質係好嘅，只係冇乜味，可能可以加返少少鹽份（？）會香返啲。小插曲係，服務員喺我食緊生煎包嘅時候問我啲醋係咪唔要啦，我都未食完，其實我正準備用。我未嚟得切答，佢就攞咗畀隔離枱。然後當我問佢攞醋嘅時候，佢居然喺隔離枱度（即係佢啱啱先攞過去，人哋都可能未用）攞返畀我,而唔係喺第二
有一個人走，佢都唔叫我入去。
又等。
第二個人出嚟之後冇耐，個服務員見到我,又叫我等等好快有。
等多幾分鐘，唔係路喎，咁佢哋原本坐嗰個位我咪可以坐囉。
最後我諗企咗十幾二十分鐘，我忍唔住問：“兩個人都出咗嚟，未有位？”
阿服務員先如夢初醒話“哎，請你入嚟啦”
入面坐到密密麻麻，係咪犯法？我覺得好唔安全。但都因為係特登用40分鐘去嘅地方所以搏一搏。。。。希望冇事。。。。
服務員放咗埋即棄餐具俾我。其實餐具係會影響食味同感覺嘅。不過都好過嗰啲有漂白水味嘅筷子。所以算啦，當佢因為衛生先咁做。
因為下午茶時間我可以選擇四粒生煎包或者係午餐。好彩我揀咗個豬扒菜飯午餐。
豬扒有啲似叉燒嘅感覺唔算差。
菜飯就好適合老人家同bb仔食。菜都有菜味嘅。
另外生煎包煎得好好皮都好靚。有熱湯喺入面。嚿肉就林，唔乾，所以肉質係好嘅，只係冇乜味，可能可以加返少少鹽份（？）會香返啲。
小插曲係，服務員喺我食緊生煎包嘅時候問我啲醋係咪唔要啦，我都未食完，其實我正準備用。我未嚟得切答，佢就攞咗畀隔離枱。
然後當我問佢攞醋嘅時候，佢居然喺隔離枱度（即係佢啱啱先攞過去，人哋都可能未用）攞返畀我,而唔係喺第二張冇人嘅枱，或者後備嗰度畀我。。。
跟住唔知係咪老細出咗鋪面，即係好friendly 咁同啲食客談天。。。
Post