Video
Read full review
2018-04-09
320 views
小弟中意食一人火鍋，又係尖沙咀附近返學，每個禮拜日都會試下呢區既一人火鍋，都叫有資格批評下一人火鍋。鼎皇呢間真係差中之差。因為新開張，店鋪無咩人都可以理解，見到呢度有兩個正評兩個負評，就決定試下新野啦。(之前食過同區的'熱點'同埋'8鍋臭臭鍋')食評話新開張有免費飲品，諗住有得飲啦，但原來午市先有。都理解既，午市少啲人會食火鍋，用免費飲品做招徠。但其實夜晚去食(1900-2030)，期間都係得四五檯客，以果個位置黎講算少人。無野飲有少少失望，不過都ok既，始終佢唔係老馮free比你。不過無配飯真係有啲嬲。佢門口個牌寫住118蚊，下面寫住滷肉飯/鹹魚醬飯，正常都以為係包埋啦，又無寫價錢，上面又大大隻字寫住套餐。但原來係玩緊文字遊戲，dinner原來唔係套餐，少左個set字。咁好心你就寫埋晚餐加飯既價錢啦! 特登用貼紙遮住果個位，係咩居心大家都估到啦。(之後check翻就算係set lunch都要再加12蚊先有滷肉飯)唔包飯都算啦，但係呢間野價格其實唔平。比較隔黎街既8鍋臭臭鍋，大家既價錢都係130(加左一)，你新開張要吸引客人，如果唔靠價錢就係靠分量同食物質素架啦。可惜兩樣都輸曬。首先係
因為新開張，店鋪無咩人都可以理解，見到呢度有兩個正評兩個負評，就決定試下新野啦。(之前食過同區的'熱點'同埋'8鍋臭臭鍋')
食評話新開張有免費飲品，諗住有得飲啦，但原來午市先有。都理解既，午市少啲人會食火鍋，用免費飲品做招徠。但其實夜晚去食(1900-2030)，期間都係得四五檯客，以果個位置黎講算少人。
無野飲有少少失望，不過都ok既，始終佢唔係老馮free比你。不過無配飯真係有啲嬲。佢門口個牌寫住118蚊，下面寫住滷肉飯/鹹魚醬飯，正常都以為係包埋啦，又無寫價錢，上面又大大隻字寫住套餐。但原來係玩緊文字遊戲，dinner原來唔係套餐，少左個set字。咁好心你就寫埋晚餐加飯既價錢啦! 特登用貼紙遮住果個位，係咩居心大家都估到啦。(之後check翻就算係set lunch都要再加12蚊先有滷肉飯)
唔包飯都算啦，但係呢間野價格其實唔平。比較隔黎街既8鍋臭臭鍋，大家既價錢都係130(加左一)，你新開張要吸引客人，如果唔靠價錢就係靠分量同食物質素架啦。可惜兩樣都輸曬。
首先係分量。人地所有餐都包一碗飯/粉絲，你晚市就要加錢先有。至於火鍋選擇同埋鍋物，起碼一半係同8鍋臭臭鍋一樣。我唔知係邊間抄邊間，但至少同樣價錢我有多碗飯囉。就咁食鍋物，真係完全唔飽，而且無得用汁撈飯囉。
然後係食物質素。食材大家都一樣，好難有分別，但係湯底就有好大分別。呢間個鍋底完全唔夠味，如果無左舊臭豆腐，個湯底同普通火鍋上湯無分別。我朋友叫番茄湯底，個分別就係多我三舊番茄(我兩舊，佢五舊)，少我幾舊臭豆腐。個人認為，番茄鍋過於清淡。仲有樣野好搞笑，話明係火鍋，但係啲豚肉未開火煮之前已經係熟左。咁唔怪得之呢間野無牛肉啦，因為牛肉會越煮越硬。
個老闆仲要話自己新開張，我就唔信佢無打聽敵人既情況啦。就咁睇，真係無一樣野係好過佢地，甚至有啲員工既廣東話都未講好。如果搵唔到自己既優勢，個人認為真係好難生存。
雖然係咁，員工整體黎講都算有禮貌，可以加分。如果大家想食清淡啲既火鍋，又唔介意價錢同埋冇飯，都可以揀呢間，因為隔黎街果間可能要等位。
今次為左呢間野第一次寫食評，希望佢以後有改善，比多一個選擇我。如果我係打手死全家。
Post
