丼瀛 (Moved) New Location

星期六行完街諗求其食間平平地日本野，一上到去果時就無乜人嘅，叫左幾樣野食，野食就好麻麻，唔係好食，但又未至於好難食。我地仲有叫左兩件厚燒鰻魚壽司，超耐都未黎，其他野食都已經黎齊仲要食晒好耐，叫左個女侍應幫手跟下，都仲係好耐都唔黎，連隔離枱遲過我地勁多先到嘅都已經食緊鰻魚，再搵過第2個人追，最後終於黎左鰻魚壽司，一食，勁想吐出黎，d鰻魚肉凍到冰咁，好似未溶晒雪果d咁，仲有一陣味。浪費左我咁多時間等嘅鰻魚壽司，難食到咁，元氣都好食過佢10倍，真係唔會再黎。