巴西燒烤餐廳 (Closed)

正式的晚餐我唔提, 不過呢間店自成立以來都不時會幫襯, 見證住佢d野越來越差勁. 以前幫襯開樂道果間多d, 而家執左, 唯有去尖東呢間~上次同朋友行到攰攰地, 就諗起呢間有"宵夜時段", 價錢吸引, 就走左去幫襯.我都明白呢個價錢唔可以要求太多.... 但結論係呢個價錢都唔值, 我寧願慳番d錢去食m記好過!出面d熱盤勉強都ok, 都不是什麼特別的食物.至於沙律, 選擇當然好少, d醬味啖兼稀到難以形容, 都唔知溝左幾多水咁!! 仲有d菜話哂都生食, 但成攤水之餘仲好唔新鮮, 食落都都真係驚驚地會肚痛!佢地的"主菜", 即係d侍應拎住一串串的燒物走埋嚟果d.... 真係.... 勁, 好明顯係燒過幾廿次, 或者可能係晚飯時段賣唔哂翻熱果d卦.... 硬到..... 難以形容, 乾爭爭之餘, 用力咬到面部肌肉疲勞兼牙肉痛先咬得開, 咬得入口仲要... 個味道, 只可以用"食之無味, 棄之可惜"嚟形容, 吞到落肚都驚"un胃"....甜品, 唔掂, d豆腐花一早就比人攪到爛哂之餘仲要得番好少, 唔通冇野食到d人要一早搶呢d廉價甜品??! 連最簡單的啫喱.... 都令我好失望......