Video
Read full review
2013-07-23
36 views
昨晚跟朋友一行六人去八王子食飯,諗住預祝朋友生日,點知食到一肚氣!我哋被安排坐係下層(餐廳共有兩層),入座後一直無人招呼直到十分鐘後主動叫人先拎到menu 睇緊餐牌時有位中年女侍應向我地推介一款「時價活魚」套餐,價值$68x, 套餐包括有魚頭,魚生及鍋物 但因為我地其中有三個朋友係唔食魚生既,於是朋友問佢呢個套餐係幾人份量 女侍應並無回答我地既問題,只係話如果唔夠食可以再嗌其他嘢 最後我哋決定唔點呢個套餐,結果女侍應黑面離開到點餐既時候,我哋一共叫咗六樣嘢食(我哋有帶咗蛋糕慶祝,所以唔敢點咁多嘢住,諗住留肚食蛋糕而且係度切蛋糕,係需要收切餅費$150,並唔係零收費的)平心而論,食物水準唔算話好好食但都叫做合格係份量少d當中有一客係魚生拼盤另一個年輕女侍應幫我哋落單時,remind我哋魚生拼盤好細碟,份量唔夠六個人食 。我哋就答佢: 如果唔夠我哋到時會再加單 五分鐘後,中年女侍應又再出場,同我哋講魚生拼盤好細碟,唔會夠你哋六個人食。 朋友就同佢解釋我哋有人唔食魚生,而且到時真係唔夠食的話先再叫其他嘢食 跟住佢竟然好不屑咁話: 我已經預先同你講咗唔夠食,唔好一陣見到咁細碟就係度E口E面(仲
點知食到一肚氣!
我哋被安排坐係下層(餐廳共有兩層),入座後一直無人招呼
直到十分鐘後主動叫人先拎到menu
睇緊餐牌時有位中年女侍應向我地推介一款「時價活魚」套餐,價值$68x, 套餐包括有魚頭,魚生及鍋物
但因為我地其中有三個朋友係唔食魚生既,於是朋友問佢呢個套餐係幾人份量
女侍應並無回答我地既問題,只係話如果唔夠食可以再嗌其他嘢
最後我哋決定唔點呢個套餐,結果女侍應黑面離開
到點餐既時候,我哋一共叫咗六樣嘢食
(我哋有帶咗蛋糕慶祝,所以唔敢點咁多嘢住,諗住留肚食蛋糕
而且係度切蛋糕,係需要收切餅費$150,並唔係零收費的)
平心而論,食物水準唔算話好好食但都叫做合格係份量少d
當中有一客係魚生拼盤
另一個年輕女侍應幫我哋落單時,remind我哋魚生拼盤好細碟,份量唔夠六個人食 。
我哋就答佢: 如果唔夠我哋到時會再加單
五分鐘後,中年女侍應又再出場,同我哋講魚生拼盤好細碟,唔會夠你哋六個人食。 朋友就同佢解釋我哋有人唔食魚生,而且到時真係唔夠食的話先再叫其他嘢食
跟住佢竟然好不屑咁話: 我已經預先同你講咗唔夠食,
唔好一陣見到咁細碟就係度E口E面(仲做埋表情出嚟)
我同朋友們聽完第一個反應係勁嬲!
第一,佢說話既語氣非常無禮貌
第二,佢點判斷我哋食量有幾大(我哋六個都係女仔)
我哋嬲到想cancel個客魚生拼盤,但由於已經take order,佢哋話唔可以取消 於是繼續硬食
本來係同朋友慶祝生日,而家搞到氣氛咁差簡直食不知味,但成件事仲未係完結!
我哋點d嘢只嚟咗一半,班侍應已經不時走過嚟問我哋需唔需要加單
前後一共問咗三次,請問一半都未食完點知洗唔洗加?
而且我哋食咁耐全程無同幫我哋加茶或者收碟 ,我朋友叫女侍應斟茶時,佢直頭成個水壺丟俾我哋就走咗
我同朋友全程食咗唔夠一個鐘就決定埋單走人,連蛋糕都唔係度切,拎走! 呢個時候年輕女侍應終於過嚟收碟,但佢竟然指使我朋友幫佢遞碟!
其實佢自己行多步一樣可以拎到隻碟,絕對有足夠且充份既空間俾佢走動。無茶斟連碟都要你幫佢收埋,完全唔知呢d係乜嘢service!
我哋等咗一陣,見咁耐都未有單就問一個男侍應係咪已經幫我哋埋緊數
男侍應就答我哋係
然後因為我哋諗住轉去第二度再食過
於是有兩名友人行咗去上層先(想搵下場)
呢個時候佢哋至發現原來埋單係要自己行去cashier俾錢的
但完全無人同我哋提及過,而且拎張會員卡出嚟俾錢
仲要俾人衰聲衰氣咁話星期五係無得用
呢個時候我同另外三個朋友仲未知上面發生咩事
坐係下面呆等,然後聽到執完碟既年輕女侍應同佢同事講:「仲有四個坐係度」 言下之意好似想話我哋霸住佢d位賴死唔走
其實八王子D食物質素尚可,但係班waitress既質素真係不知所謂
總之唔會再有第二次幫襯
Post
