coffeeflow (Closed)

又要客人去自己拎餐，食完又要自己拎返啲嘢出去先俾你走，就算你唔記得拎佢都會即刻叫返你返去拎翻先肯俾你走，啲員工坐喺度冇嘢做都唔肯自己去執，啲嘢食又唔係平。轉左餐牌又冇講，叫咗兩個意粉勁難食，以前好食嗰個餐牌就轉走咗，之後啲員工煮自己嘅員工餐就香到喺位都聞到。員工態度又好似唔係好想做咁以前喺度食過大蝦蕃茄意粉幾好食，第二次嚟就話個意粉機壞咗冇意粉供應，今次特登打電話嚟問吓有冇意粉，點知又轉餐牌，重越轉越難食，極度失望，都唔知個廚房諗乜，地方又偏僻，以前都會特登黎，今次之後唔會再幫襯。