奇納百川 (Closed)

從來冇食過一間咁難食嘅韓國餐廳，但食到食食吓已經唔想再影相🫠首先叫左個牛油果沙律，不單只極細碟，啲菜仲要係苦嘅，一開始已經冇晒食慾🤦🏻‍♀️跟住叫咗個蜜糖蒜香炸雞，隻雞完全冇味，要點醬先會有所謂「蜜糖味」同「蒜蓉味」，味道完全係分離嘅，雞有雞嘅味，醬有醬嘅味，完全都夾唔埋，份量又係好少。之後再照左一個牛肉炒年糕同埋海膽烏冬，前者得一堆雜菜，得好少嘅牛肉同埋年糕，份量又係好少，後者未到就好少少，但係個海膽係臭臭地又苦苦地嘅，咬咗一啖就冇食過，個烏冬仲要接近$300，完全唔抵！以為叫野飲會好啲，因為睇幅圖都真係好靚，都成$70up一杯，點知飲落完全冇特別，茶又無茶味，杯凍朱古力又係好淡，維記朱奶都濃過佢，真係好少寫食評會咁嬲！但呢間嘢真係性價比極低！得個樣，又貴又唔好食，環境舒服就舒服，不過有限時坐，唔會再有下一次。