肉搏食堂 (Closed)

收工後同bb响TST行左陣街之後，就响厚福街呢條食街揾下野食，發現呢間食店裝修都幾靚，於是揀左呢間主打日式丼飯餐廳醫下個肚仔先，首先睇個餐牌啲野食種類都幾豐富和吸引，但是在定價方便唔算太親民，我們一人叫左一個丼飯和兩杯飲品。 我地轉左套餐所以有餐湯，碗湯應該係蘿宋湯，近排凉左少少，碗湯熱辣辣飲落好舒服，但呢碗湯冇乜味道，好似飲緊熱水咁，茶餐廳啲蘿宋湯好飲好多。希望可以改善一下。 慢煮頂級牛肉盛丼🐮叫左一份150g份量，係一層叠一層鮮紅色嘅嫩牛，牛肉煮到半熟， 日本流心蛋黃配埋sour cream撈飯，相當滋味的。 海膽牡丹蝦雜錦剌身丼🍣有牡丹蝦、吞拿魚、帶子、油甘魚、三文魚，三文魚子，海膽，仲有日本流心蛋，有我最鍾意食既海膽，好鮮甜美味，但每樣只有薄薄一件，飯的份量亦不多。 飲品order左朱古力曲奇沙冰和藍莓青檸梳打🍹，朱古力沙冰杯子很吸引，但可惜太甜。杯藍莓青檸梳打反而有驚喜，酸酸甜甜充滿藍莓味好解渴。 總括而言，個飯女孩子食就應該剛剛好，但男仔就可能要加其他小食，因為呢個價格來說性價比不太高，份量有點小。