巴西燒烤餐廳 (Closed)

15-12-2007星期六晚上我地班會活動揀左黎道巴西燒烤......今次係我地班的第一次班會活動，順便慶祝聖誕....去到門口已經見到入面人山人海.......>.<人多唔係問題，問題係d人個個搶住哂去令野食....令食物的地方又細，個個迫住哂，想走都走唔到..>.<d侍應係咁大叫"唔該借借"，佢地令住一大盤食物要行入黎換，都冇人可以讓到條路比佢地，我見d侍應臉都黑哂，難怪佢地啦，我都黑啦.......食物方面熟食款式都多呀，不過好多都好難食.......唔新鮮，唔好味，好咸..........>.<d壽司的飯係硬嫁，仲硬過d隔夜飯.....d三文魚我冇食到，不過同學話變左味，唔新鮮...甜品方面，我食左楊枝金露，食左一啖已經....扔掉燒肉方面侍應會黎令住一大枝燒好的食物問你要唔要.....而d燒肉就好味少少，但係好少款囉，而且又比人搶哂，我想食的雞膇，豬頸肉同埋雞脾菇都比人令哂...環境方面:地方好迫，地下好濕........個道有人令住結他唱歌嫁，又會唱生日歌，又會周圍去圍住客人枱唱歌，黎樣就唔錯，不過點解唔黎我地張枱唱嫁....