茶木‧台式休閒餐廳 (Closed)

同大少都已經食過好幾間台灣餐廳，反而來茶木係第一次。平時食過其他地區嘅茶木，水準都比較穩定。但係今次呢一間有少少跌眼鏡。首先台灣主打都係紅燒牛肉麵，我哋一坐低，侍應已經話冇紅燒牛肉麵買。我哋左諗右諗終於揀咗香腸滷肉飯同埋新囗味嘅麻辣半筋半牛肉麵。個滷肉香腸飯嘅水準同平時差不多，但係個半筋半牛肉麵就有少少嚇親我。個麵都OK，有少少煙韌，但係啲牛肉就好似火鍋肥牛肉咁碌咗落去個麻辣湯底度。我同大少都冇叫套餐，無嘢飲，求其食完就走咗啦。下次去茶木，唔會夠膽試佢嘅新口味。