Applegreen (Closed)

曾經很喜歡食Applegreen，但唔知點解越來越少分店。今日去開尖沙咀就黎食個brunch，點知真係中伏。首先一去到個reception無人嘅，行到入去成班侍應係度吹水，雖然佢地見到我即刻招呼我，但第一感覺已經唔好。之後叫野食，以前最愛的egg in the hole, honey ham變左重口味肥膩bacon, 個egg hole入面隻蛋以前係流心嘅，依家差不多全熟。另一個三文魚粟米餅班尼迪，粟米餅外面煎香，但入面仲係粉雷雷未熟晒。果兩隻egg benedict仲過份，上到黎我問點解唔見左蛋，原來有隻跌左落碟面解體左。但點解好地地一隻egg benedict會咁易散？因為嚴格來說隻蛋似溫泉蛋，梗係易散啦！整egg benedict過熟都算，但呢次係唔成型喎，兩隻都係咁！一間餐廳連溫泉蛋同egg benedict都未識分，質素可以有幾好？埋單果陣，我地仲聽到侍應係度講「哎也，聽到最精彩果陣聽唔到添」，應該係我地埋單阻住左佢傾偈。真係唔好意思，不過我地應該唔會再幫襯，唔會再阻到你。