好燒式串燒專門店 (砵蘭街)

Open Now

Now Closed

好耐都冇食過串燒, 不約而同朋友居然都提議去食, 入到嚟環境乾淨, 坐得舒服, 而呢度嘅燒物係非常出色, 唔會燒到食物乾身, 另外每人都會有一個泰式醬汁, 因應個人喜愛蘸食物蒜蓉燒蟶子皇：以金菇墊底，金菇吸哂蟶子嘅鮮甜味, 面層再加上蒜蓉, 每一啖都有濃郁蒜香，蟶子燒得啱啱好無過熟, 鮮嫩多汁。西班牙黑毛豬肋串：肉質鮮嫩加上豐富嘅脂肪口感, 夾著濃郁既肉香。燒翠玉瓜： 爽口多汁又清甜。燒大眼雞：魚皮燒到脆卜卜, 可以連皮食埋, 魚肉結實有口感，不失新鮮。燒泰式豚肉： 份量都比較多，豬肉燒得啱啱好，口感嫩滑帶有焦香，蘸埋泰式醬汁一齊食真係好夾。什菌燒蠔：有冬菇片、蘆筍，淡淡既配菜味道又唔會搶咗蠔既鮮味， 鮮嫩多汁，唔會燒到乾身。燒海蝦：保持蝦肉既鮮甜。餐廳亦都非常窩心，喺門口放有薄荷糖，俾人可以清除啱啱食物喺口裡面既濃郁味道。