The Meat Co.

Open Now

Now Closed

口痕想食牛扒，知道逸東酒店開咗food court下面有一間即食牛扒，就嚟試吓。兩個人叫咗一份試吓，所以叫咗250g，$168，7成熟。見到其他人都係厚扒，但唔知點解到250g就相對薄身，有啲失望。一切開，佢似夠9成熟多啲，有筋好韌，但都有肉汁同少許牛香味，唯一值得一讚係佢個火候燒得幾好。汁方面，除咗比較大路嘅黑椒汁，都有幾款特色唔同，當日就試吓阿根廷香辣醬，食落就係孜然粉味再加蔥同油，同牛扒完全唔夾，會搶晒啲牛肉味。唯一好食嘅係薯條，可以問佢攞番茄醬，幼身得來炸得好脆，再有少少辣粉，味道啱啱好，但份量唔多，佢將隔油紙接咗三角形，所以唔到底。我就唔會再返嚟食，完